主頁 香港 前財政司司長曾俊華撰文 批...

前財政司司長曾俊華撰文 批評DSE落後扼殺學生創意

前財政司司長曾俊華在社交平台Facebook撰文,批評中學文憑試無助推動學生創意,阻礙香港發展,長遠會與其他國家脫節。「香港一日有 DSE 存在,即係繼續要學生跟住個考試課程去讀書,考得好成績先有得上大學,喺呢個框框之下,好難推動學生有創新同創意」。又指有大學禁止學生使用人工智能聊天機械人ChatGPT,是多此一舉,反而應教育學生善用新科技,鼓勵深入分析及思考。
曾俊華引述早前參加研討會時,表示教育是阻礙香港科技發展的因素,批評香港教育的現況,「以 19 世紀嘅課程,20 世紀嘅老師,去教一班 21 世紀嘅學生,咁樣落去,香港係會同世界大潮流嚴重脫節」。他希望政府給予年青人更多發揮空間,令學生不再受制於死板的考試課程。
他又提及最近掀起的人工智能熱潮,鼓勵教育工作者將新科技融入課程,「將一啲機械式嘅工作留比機械人做,人類就做機械人無法取代嘅技能,好似同理心、溝通,以至同其他人合作」。對於香港有大學禁止學生使用人工智能聊天機械人ChatGPT,他批評這等同禁止學生使用計數機,作法多此一舉,「作為老師嘅,仍然可以把關,去審核學生份功課係咪單單從 AI 搬字過紙, 有冇深入嘅分析,有冇一啲創新嘅睇法等等。」