特區政府周四（29日）發表大埔宏福苑火災獨立委員會報告，並公佈房屋局局長何永賢請辭。發展局局長甯漢豪、保安局局長鄧炳強、文化體育及旅遊局局長羅淑佩周五（30日）分別被問及政治責任，甯漢豪重提李家超的「船長論」，指需依從「船長指示做事」；鄧炳強則多次表示「按照行政長官嘅要求」全力以赴，宣稱「必須跟特首指示做」，但沒提及假如他想辭職，李家超能否阻止。
港府周五（30日）就改革樓宇維修監管制度及打擊圍標分別召開記者會，甯漢豪回應記者提問有否考慮辭職時，引述李家超在「幾個月前」（應為 9 月即一個半月前）在《施政報告》答問大會時以船長自喻的言論，她形容自己是「船員」，「我作為船員，有陣時唔係講自己個人嘅考慮或者意願，而係我真係都要有一個紀律，我要依從我船長嘅指示去做事」，強調需以「船長嘅部署去航行」。
甯漢豪續稱「有思考過」是否下台，但稱她是團隊一員，「有時唔係一個個人意願嘅問題……船長嘅要求同指示，我作為團隊嘅一員，係有責任去做好我嘅工作」。《南華早報》記者問及甯漢豪的責任時質問對方「你可否搵塊鏡照照自己」（can you really look yourself in the mirror），她沒直接回應；《香港01》其後再提出問責爭議，甯漢豪稱她是政治任命團隊成員，「行政長官係要求我哋，一日仲喺自己嘅崗位，（就）全力以赴做好我哋嘅工作」，稱需「依從行政長官呢一個要求」。
鄧炳強於記者會多次被問及政治問責，他未有直接回應，只重申李家超對政治任命團隊的要求，例如「更大咁發揮領導作用」，稱「我會按照行政長官嘅要求，喺我嘅崗位上呢，全力以赴」，其後再指「行政長官已經向公眾解說咗佢對於政治團隊承擔責任嘅考慮，並且作出決定」、「自己唔重要，係社會重要、我哋香港重要、國家重要」。鄧炳強回應英文提問時，稱這是行政長官的決定。
｜羅淑佩：我無補充
羅淑佩在宏福苑大維修投標期間為房屋局常任秘書長，她周五回應傳媒提問時，表示「行政長官已經喺記者會裡面講得好清楚，我自己就無補充嘅」。
破天荒以「兼任」方式署理房屋局局長的政務司副司長黃偉綸表示其署任屬「開放式」，「無一個終止嘅期限」，他亦做好準備「（署任）長得、短都得」，會由李家超考慮是否物色新局長。黃偉綸提到現屆政府任期只餘 8 個月，未必能找到合適人選，「我會努力去做」，並透露李家超指示他們謹守崗位。房屋局副局長戴尚誠沒有出席記者會。
棱角編輯部
