香港行政長官李家超周四（17日）出席電台節目及立法會答問會，解說本年度《施政報告》和特區首份《五年規劃》。李家超表示立法會議員具影響力，稱民間想法和報道未必準確，「永遠都有一啲立心不良嘅人，可能係挑撥矛盾」，議員應糾正錯誤理解。李家超亦提及人工智能（AI），自言「我嘅工作可能有一半，我都會用 AI」，稱 AI 有助他「掌握成個大局係點」，稱雖然 AI 提供的資料不一定準確，「少量落差呢，未必影響個宏觀」。
李家超下午到立法會，自由黨邵家輝提問前稱「之前都無（就施政報告）發過言」，其後大讚李家超，稱有朋友在李家超當選後質疑其警察出身，屬「外行人管內行人」難以治港，惟他認為李家超上任後把劏房改稱「簡樸房」和推行「簡約公屋」等政績，都反映「正正係喺行外，喺另一個角度去睇件事呢，先可以帶領到香港」。他其後正式提問，問題是香港配合國家時如何保留獨有角色，以及立法會議員「如何配合十五五規劃」。邵家輝發言期間，他身後的新民黨陳家珮以左手托着下巴，不時微笑點頭。
李家超回應時大談其施政理念，「做一個領導人係應該做乜嘢呢？我會覺得去建立團隊、令到團隊發揮，就等於一個船長，一個船長佢唔一定要識發佈一啲電報，又或者唔識煮飯，又或者佢未必一定要知道個海事圖，但佢最重要嘅係要建立個團隊」，並稱希望所有局長都在其專業領域「叻過」他，議員則應引導民意和糾正錯誤理解。
｜稱人類記憶力有限
同日較早前李家超出席電台聯播節目，提及《施政報告》上花大段筆墨的人工智能，他表示「縱然好多同事都好努力幫我做嘢，但有一啲問題其實都係公開資料，一個人嘅記憶力始終有限，AI 的確幫到好多」，例如在房屋問題上「畀我睇不同嘅地方有乜方法」。李家超沒有進一步解釋使用傳統網絡搜尋器和 AI 搜尋各地房屋政策的分別，以及他分析和求證的過程等。
工聯會吳秋北亦於立法會上提及 AI，他先花約一分半鐘讚揚《施政報告》，其後以約 45 秒提問在 AI 發展迅速下，如何裝備一般「打工仔」追上。李家超回應時表示 AI 帶來很多進步，「全民都應該要認識」，「我個人都非常多用 AI，縱然我啲同學（同事）係好能幹嘅，第一，佢好忙啦，我都唔希望百上加斤，第二呢，佢都係摷資料嘅，但 AI 摷資料的確係快」，不過他承認 AI 產出的資料未必準確，公眾需認知相關風險。
棱角編輯部
