64歲的潘源良2018年跟從事藝術工作的女友Rita結婚，算是這名「浪子」人生的一大轉變，更估不到是在2020年 ，一場疫情，竟陰差陽錯令潘源良「變成」台灣人，他當時覺得嘅然不能回港，「咁不如申請台灣身份證，反正都買咗地方」，結果以專才方式申請移民，不到一年就成功入籍，香港話要搶人才，可能只因人才都不選擇留低。
潘源良口中的「買咗地方」，其實係一幢七層大樓：「絕對唔係豪宅啦，同朋友一齊買嘅， 一人一兩層咁，有工作室有啲有人住 ，其實好細啫 ！」轉眼移民3年，潘源良表示適應其實唔難，生活亦不空閒，除了忙於搞音樂會外，亦會出席各大小座談會甚至講波活動，令潘源良最困擾的可能係天氣：「適應我一路都冇問題既， 我一直都係自由人咁 ，係唔同既地方都係咁樣生活， 只係過咗嚟呢邊就比較容易啲感冒啦 ，可能剛剛轉天氣，話晒係香港幾十年，咁台灣既天氣得都仲適應緊 ！ 」
「返香港唔知有咩做！」
當初潘源良在台灣選擇地方搞工作室兼落腳，最終捨台北而選擇了桃園，都係貪佢近機場，隨時可以港台兩邊走，實行2小時生活圈尋找更多機會。可惜一場疫情打亂了計畫，如今三年過去，曾表示「返到去咪又係好忟」的潘源良，仍然維持最初等想法：「暫時未有咁嘅（回港）計劃，因為喺香港我唔知有乜實際嘢可以做，反而喺台灣我可以line up到好多嘢，例如今次英國演唱會呀， 可以同當地既香港人有接觸，好似多啲機會同可能性去碰撞，如果返去香港，我暫時唔知可以做到啲咩！」
潘源良在台灣發掘出各樣可能性，亦好關心一班留台得香港年輕人，他自稱係「幫到幾多得幾多」，但生活上面對各樣問題，讀書工作其實亦生活得都不輕鬆：「其實有啲係逐漸逐漸適應到啦，最大問題其實係佢哋爸爸媽媽唔可以一齊過嚟，會掛住呀！心態上會有少少憂鬱啦，但係其他例如讀書、入籍嘅情況都逐步改善緊，工作機會就要睇個人， 有啲可以工作， 有啲未必得 ，最緊要就互相支持啦！呢邊都有啲協會呀， 睇吓獎學金嗰啲可唔可以幫佢地申請到 ，幫到幾多得幾多囉 ！ 好多嘢都須要支持多啲，希望俾到多啲機會！」
【可以對世界有貢獻】
如今大量香港人分散世界各地，人在異地所有事又要重新起步真係談何容易。潘源良則寄語大家一定要對未來有信心，要相信自己的能力：「真係要對自己有信心啦、因為你哋年輕人嘅本錢 錢就係你哋嘅青春同未來， 因為歴史上好多時都有大規模嘅移民，例如早期既愛爾蘭人同波蘭人，佢地都領略過一、二次世界大戰。香港人算比較幸福啦，今時今日先有比較大嘅震動，但係了解咗就會明白，其實可能我地唔係最慘個個。」
潘源良亦強調香港人有獨特才能，不論去到那裡都可以對世界有貢獻：「只要我地相信自己能夠喺其他地方，其他既文化、其他嘅社會圈子入面，都可以將喺香港認識到好嘅東西奉獻出嚟同延續落去， 合拍地去將香港最好嘅嘢帶俾呢個世界，我覺得已經夠 ，我哋要有咁嘅信心，雖然過程一定係辛苦 ，要捱一吓， 要面對好多不可知嘅變化，但係好多其他人都做得到啦，例如吉卜賽人呀！離鄉別井嘅人都面對過類似嘅事，香港人好叻 ，佢地有本事有適應力有好好既效率， 應該可以對呢個世界有所貢獻嘅。」
棱角編輯部
