繼續同大家討論新生代嘅職場文化。上次睇咗幾個要點，包括係平衡工作與生活，擁有一個能夠互相支援嘅團隊及互相信任。講完理論層面，就等我哋一齊去探討一下如何能夠創造員工想要的那種工作場所文化。
First thing first，實踐你所宣揚的；Walk the talk從來都非常重要。不但只係阿媽教仔，就算喺職場上，都係一樣。記住職場文化不僅僅是一個你可以勾選的框框，而係員工睇到管理層點樣去專注於大局和將言論付諸行動。公司的價值觀、管理層的行為、管理結構、薪酬結構、工作環境，以及實現多樣性、公平和包容性，到時十分重要要素。
另外一個就係從上往下改變文化：意思即係公司嘅管理層需要帶頭引領文化。 因為若然公司真係想做出真正的改變，管理層必需要作先驅，樹立好嘅榜樣。舉個簡單嘅例子啦，如果你老闆話你每日返工都要準時，要打卡，要簽到，佢自己卻日日遲到，成班𡃁一早9:00準時返到公司，但係上司卻每日都姍姍來遲又遲到早退，咁你點樣叫你下便嘅同事會願意作出改變，甚至認同你想更改嘅文化呢？
重要嘅係，企業需要為佢自己嘅職場文化設定明確的目標和願景，無論你是小企業還是跨國公司，每間公司都需要一個使命來解釋其工作的理由，以及指導個人和集體行為的明確價值觀。明確的管理結構、薪酬和透明度以及主管嘅能力也是確保員工瞭解對他們的期望的關鍵。
一旦確定了企業目標和價值觀，變咗確保其文化能反映在每個層面（包括新員工），這樣管理便會容易得多。尤其在招聘過程中介紹公司文化，會更加令到應徵者了解公司嘅日常工作情況，有助引入相同理念嘅員工，也能夠令到他們以最佳狀態工作。
明顯地，職場文化對許多澳洲打工仔顯得非常重要。靈活有彈性的工作安排和樂意提供不同程度支援是新生代嚮往的職場文化，企業需要適當調整而配合新生代嘅期望，才能夠達致知人善用，而員工亦都樂意為你效力。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
