香港男團MIRROR成員姜濤，自1月初𠮟咤頒獎禮上表現被批評後，疑似「收埋自己」，至今未有更新社交平台。商台DJ楊樂笙周二（1月10日）在fb發文力撐姜濤之餘，更指批評者「而家去到一個程度似係想佢死，多過想佢進步」；帖文獲得超過1萬讚好。
姜濤早前在叱咤頒獎禮憑歌曲《作品的說話》冧莊《我最喜愛的歌曲》獎，但表現遭受批評，事後他未有再在公眾場合曝光。
商台DJ楊樂笙亦認為姜濤當晚表現欠佳，「我同意嘅，𠮟咤當晚姜濤表現係唔夠好，身心狀態都要改善，有批評亦都好正常」；不過補充「但係我感覺而家去到一個程度似係想佢死，多過想佢進步」。
楊樂笙慨嘆，香港人似乎忘記了對年輕人應有的支持，「仲記得幾年前，好多香港人都話要支持年輕人，姜濤只係23歲，經歷爸爸重病、摯友逝世、演唱會意外，我好難想像佢面對緊咩壓力，你話如果佢今年30都仲係咁就抵鬧姐，對年輕人我覺得係真係要比（俾）時間，諗返我自己23歲嘅時候都仲係一舊飯，唔知自己做緊乜」。
他並勉勵姜濤，要學懂應對壓力及批評，「做得公眾人物，就總會有人批評你，通常得兩個方法應付，一係內心夠強大完全當透明，一係令自己水平提升，令人收口，要成為天王巨星，呢個係必經階段」。
「無人可以贏到全世界掌聲」，楊樂笙認為，批評要聽，但對於無聊、抽水或者不安好心的說話，可以不理；對姜濤來說，要懂得選擇甚麼批評值得認真聆聽，「可能都係一個要學習嘅地方」。
楊樂笙更認為姜濤是一個很忘我投入的人，「就連玩遊戲佢都係咁，呢種人唔會識停，好容易受傷，身心都係，希望隨住越嚟越成熟，佢會識得收放」。
帖文周二上載後至今已獲逾1萬個讚好、超過1000個留言，大部份網民均認同楊樂笙言論，「是他把沉寂灰暗的廣東歌樂壇重新照亮，請各位批評之餘也可以給點鼓勵和支持」、「姜濤係一位會自我反思嘅年輕人，深信佢會遇強愈強」、「我相信姜會每年進步，如佢所講會用作品說話實驗佢講過的理想」、「由得D癲狗繼續發神經! 咁就會越清楚係咩人攪出嚟，姜濤只係肥左同埋表現冇之前咁好，又唔係失德藝人啲人都可以講一個禮拜沒完沒了 證明係有組織想整死佢！所以更加唔需要理會，只會越來越多人支持姜濤」、「好欣賞姜濤這個年輕人！他那團火煥醒了很多人再投入和相信香港本地市埸！要好好珍惜這個咁有heart嘅年輕人！希望他能夠堅強面對一些惡意評擊，站起來繼續發光發熱」。
新聞來源：楊樂笙facebook
