一般駕駛人士相信或多或少也用過Google地圖，以尋找目的地或查看實時路況，若見道路顯示為「紅色」，便知道該段路很大機會擠塞，但有港女並不認同，指的士司機因為看到Google地圖顯示路線紅色而拒絕行車，雙方爭論不果下港女被要求落車，但她用2個字KO了的士司機。
該名港女周四（1月4日）在個人社交帳戶發帖上載影片，從這段長約1分鐘的影片中所見，穿上黑色絲襪的她坐在的士車廂內，正與的士司機爭論。
她在帖文表示，「一上車同我講您行振華道定行邊，咁我就搭咗3日的士架喇行開都清水灣道都唔係話好塞車，難聽啲講，您塞車都係照比（俾）錢您，係咪先，又唔係唔比（俾）您」。
言詞間充滿霸氣的港女續稱，「跟住佢同我講話睇Google紅色，紅色就一定塞車？雖然好大機會塞，喂，咁朝早有邊度係完全唔塞車？」
影片內容方面，霸氣港女向司機指，「揀路行都唔係咁樣接order，大佬，司機。我真係第一次聽人講唔行嗰度就唔行嗰度咁」。司機回應「妳明知塞車嗰度，妳仲要去？」港女反問「點解你睇個地圖你就覺得塞車呢？」
司機遂解釋Google地圖顯示紅色，惟霸氣港女質疑「紅色就塞車㗎喇？呢個係Google嚟咋，唔係你親眼見到呀」，又稱「紅色」未必一定很擠塞，「我真係試過見到紅色但都唔係真係好塞車架咋」。
口同鼻拗之下，的士司機仍堅持行振華道，並批評港女「嘥佢時間」，更突然停車解鎖車門，要求港女下車，稱「唔好喇唔好喇，妳都係叫過第二架啦，唉，廢事同妳講」。港女聞言即出招，「你即係拒載喎，報警！我大把時間」，司機隨即關門說「唔好唔好」，再次開車。
相關帖文被截圖分享至其他社交群組，惹起熱議，大批網民紛紛發表意見，「個客係有權話行邊度!到時塞車係佢嘅問題」、「特登影隻髀，多過影個司機，機心女」、「塞車都係跟住跳錶啫，個客揀行邊條咪邊條囉」、「黑絲女把聲好似『我真係恭喜你呀』」、「從佢拍攝嘅手法，佢不經意要影埋黑C+ 投訴過程，證明佢係一個老手，利用自己嘅特質來吸引，從而得到相關嘅認同，加上用呢個特質令其他人分心於事件，得到的認同再加成」、「邊個比錢，邊個話事，有乜好拗」。
據《道路交通(公共服務車輛)規例》，的士司機如無合理辯解，不得「故意拒絕或忽略接受租用人的租用，不論該租用人的意圖是以明顯或默示方式表示」，及不得「拒絕或忽略駕駛該的士至租用人指示的任何地方」，否則即屬犯罪，一經定罪可處第3級最高罰款1萬元及監禁6個月。
新聞來源：「車cam L（香港群組）」facebook群組
