香港立法會周三（30日）召開多場《施政報告》政策簡報會，其中在人力事務委員會上，本屆「新丁」議員陳祖光稱應從根源應對生育率偏低，指昔日有「不孝有三，無後為大」等傳統思想，「係咪應該解釋畀我哋嘅年青人聽，你唔生對我哋香港社會有咩影響」，又提議推「生育六合彩」，推出最高 400 萬元獎金讓家長「抽獎」。政務司副司長卓永興回應稱政府資源有限，難以實行「生仔六合彩」，並提到對年輕人而言，「幾廿年前嗰啲」已不合時宜。
人力事務委員會出席主要官員包括卓永興和勞工及福利局局長孫玉菡等，卓永興主要介紹首部分的鼓勵生育措施，稱現屆政府重視生育率下跌問題，形容《施政報告》建議第二名新生子女獎金增至 3 萬元具針對性，「對準肯生、願意生嘅父母」，預計「生仔獎金」截至 2029 年 10 月為止涉及約 23 億元總開支。
｜倡宣傳不生育「對社會有咩影響」
陳祖光在立法會上表示人口老化問題自「前前前前特首」時期已被提出，讚揚政府「好有誠意、做得好好」，但稱各項措施治標不治本。陳祖光認為應探討年輕人不願生育的原因，「我哋以前、我哋嗰代人有話『不孝有三，無後為大』呢啲傳統思想嘅」，他說這句後不禁發笑，續稱「咁係咪應該解釋畀我哋嘅年青人聽，你唔生對我哋香港社會有咩影響呢？係咪引致到我哋嘅社會唔能夠更替呢？」
陳祖光認為目前的政策未能「擊中最重要嗰點」即市民不願生育的原因，希望政府加強軟性宣傳，「傳統家庭觀念嘅一啲解說」，又指市民已對鼓勵金習以為常，建議跟馬會或其他商業機構合作「做啲大啲嘅鼓勵，譬如話全年出生嘅 BB 都可以有機會，一個 400 萬、300 萬、200 萬、100 萬咁嘅大啲嘅鼓勵嘅獎項，而吸引佢哋好似買六合彩咁，我生個 BB，我有機會攞 400 萬嘅」。
卓永興回應陳祖光的「生仔六合彩」建議時同樣失笑，稱大額獎金無疑具吸引力，「不過始終都係，無論政府或者馬會資源都係有限嘅」，形容承擔額將達天文數字。他同意應從教育方面着手，但坦言需軟性進行，「太過硬銷呢，又唔係咁啱聽，如果我哋講返我哋以前嗰啲呢，可能已經覺得，唔好講喇，你哋幾廿年前嗰啲嘢」。
｜卓永興指99%人領獎金 顯示措施受歡迎
新民黨李梓敬發言時稱「感謝政府延長呢個、優化呢個新生嬰兒嘅獎勵金，配合住屋、稅務同托兒嘅支援」，但稱即使存在初生嬰兒獎勵金，去年生育率仍處於低位，質疑政府是否有標準衡量措施的成功程度。勞聯周小松稱鼓勵生育是世界潮流，促請改善侍產假等育兒相關的假期，稱上海、北京、深圳等城市的侍產假遠高於香港。
卓永興回應時承認鼓勵生育措施推出後，香港生育率上升僅曇花一現，「最近呢年又跌返落嚟」，但稱新生嬰兒獎勵金「使用率係去到 99.9%」，認為初生嬰兒父母選擇領取獎金，已代表措施「幾受歡迎」，「起碼我哋覺得呢個……個問題，雖然（生育率）曾經上過，佢又落返啲，至緊要就係，如果你唔推、你連呢啲措施都無，我諗邏輯上係可以推論到，個下跌可能係仲嚴重」。
卓永興稱出生率下降是全球先進地區皆面對的問題，即使部分地區的獎勵金額比香港更高，效果也有限，「係咪可以維持到呢，都唔知」，盼中期而言可「管控」出生率。
陳祖光曾任香港警察隊員佐級協會主席，去年循選委界角逐立法會議員，提交參選表格時獲前港區全國人大代表譚惠珠、現任港區全國人大代表梁美芬等站台，其中梁美芬盛讚陳祖光是「鐵漢子」，遇事不避難。陳祖光最終獲 1,067 票，於 50 名候選人中排第 36 當選，他目前也是四川省政協委員。
棱角編輯部
