資深新聞工作者陳朗昇周二（2日）結束 5 天刑期出獄，周三（3日）首次重新「開咪」主持網台節目。他自言出獄當天「唔知係咪正常嘅心理狀態」，晚上亦想過入獄「抵唔抵」，「我不斷話自己 OK 嘅時候，我係咪真係 OK 呢？」形容有掙扎和思考，亦不能「扮到好硬淨」，強調入獄並非「無特別」。陳朗昇稱考慮過若六四前後再到銅鑼灣一帶直播，「到時又會點呢，又會有人叫你唔好講嘢、呢度唔好出現……都係好多好多嘅思考」。
陳朗昇周三（3日）上午再次主持其個人頻道節目《早晨試播室》，大部分篇幅討論籃球救練翁金驊涉嫌掌摑中學生、「SaveLily」父母被捕、濫交男子等近日議題，只花少許時間分享近況。陳朗昇透露在獄中寫了一封信，並稱周二（2日）頗晚才入睡，整天亦回覆約 200 多個短訊報平安，「我出返嚟喇、無穿無爛喇、大家放心啦」，稱不斷有人透過通訊軟件聯絡他，「長期係 40 幾、60 幾（個通知）咁」。他較早前亦在社交網站上載手持碌柚葉的「出浴照」，形容「好似真係有啲感覺」。
｜強調悼念六四「唔過份」：國家有人死咗
多間網媒於陳朗昇出獄後，馬上追蹤拍攝其最新情況，陳朗昇稱希望公眾支持這些網媒，並提到有 KOL 討論警察截查身份證的歷史演變，強調警方截查需建基於涉及犯罪的合理懷疑。陳朗昇承認有軟弱的一面，亦有自我審查，稱原則是「唔好再畀人拉、唔好再畀人告」，亦不限於特定階層或人士。陳朗昇在節目尾聲談及六四，強調「國家有人死咗，大家悼念下都唔係好過份嘅事」，即使不能公開悼念，但相信公眾對是非曲直有公論。
陳朗昇同日較後時段到另一網台「香港花生」出席節目《昇哥與州長》，主持之一黃冠斌笑稱在獄中剪光頭的陳朗昇新髮型「幾靚」，感嘆陳朗昇在炎熱的日子入獄，觀察到對方稍為消瘦。陳朗昇回憶在囚室看電視，亦有想到「點解搞到咁嘅田地」。
｜擬嘗試續領回鄉證 憶同倉「何伯」健康差
陳朗昇表示他居於監獄內的病房，約有 10 人同住，房內沒有冷氣，但衛生較想像中好，亦可隨時洗澡，「總的嚟講還可以……無想像中咁熱」，惟夜晚「真係會熱醒」，「係咪好頂唔順又未至於」。陳朗昇亦透露跟囚友「何伯」何煊及其他人的溝通細節，直言當初不知道何煊的真正身份，「吓，你係嗰個何伯呀？原來」，他亦不希望消費「何伯」的家事，只透露對方身體和精神狀況欠佳，經常睡着，會為他祈禱。陳朗昇透露服刑完畢後，周四（4日）終可取回旅遊證件，會嘗試續領回鄉證，形容這是「下一個挑戰」。
棱角編輯部
