良好嘅職場文化不嬲都好重要，因為佢能夠斷定公司會否成功，同事會否努力工作，有冇好嘅忠誠度，願意為公司賣力，仆心仆命。
求職網站Seek訪問咗超過4000名在職人士，當中有73%的人認為工作場所文化很重要；61%的人說如果他們得知公司文化差，他們會拒絕喺嗰度打工，83%的人說他們已經辭職或會因為文化差而辭職。
踏入2024年，究竟澳洲嘅職場員工最希望嘅職場文化係乜嘢呢？就等我哋大家一齊去睇下，做老細嘅，你又可以睇吓究竟係邊一個領域裏邊你需要進步或者改善，尤其是而家勞工短缺嘅情況，能夠挽留員工顯得更為重要。
有一個具支援性的環境和主管團隊：當然每一個員工都希望得到足夠嘅支援，呢樣嘢睇嚟都好似好廢話。然而，相信縱橫職場多年嘅一啲老海鮮，好明白能夠有一個互相支援嘅工作環境從來都係得來不易。另一方面有一個好嘅老細更加顯得十分難得。如果有一個差嘅老細，唔使問阿貴，你都想唔撈啦。
喺職場上，所有人都重視能夠互相有良好嘅溝通、能感受到有被看到和被欣賞。主管能夠與下屬一齊同行，可以話係新世代職場一個非常重要嘅意識形態，若然主管仍然係採取高高在上「我叻過你」嘅舊有管理文化，喺挽留員工上心定遇到非常大嘅阻力。
擁有靈活性和自主性：Work Life Balance 在新世代顯得非常重要，並不是說上一代不看重，我會說是新生代更看重。佢哋會不斷尋找能保持健康工作與生活平衡的方法。正所謂 work smart，not work hard，新生代看重的是如何能保持他們的動力水準。過度勞累，在工作時間裡沒有任何靈活性，會妨礙員工整體嘅發展。
另外一個非常重要嘅component，就係管理團隊對員工嘅信任。
「微觀管理」（Micromanagement）不嬲都係大忌，咁當然，公平啲去講，當一個員工啱啱返工嘅時候，當然首先需要贏取上司嘅信任，先至可以更自由更靈活嘅去處理自己嘅日常工作，這包括彈性嘅上班時間，同埋能夠在家工作等等。於後疫情時代，剛才呢兩項職場嘅Arrangement，變得越來越普遍，同時間，好多人似乎忘記咗呢兩件事唔一定係必然嘅，必須與整個團隊首先建立互信嘅機制才能夠達成。
下集再談。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
