上個禮拜先同大家分享完六月嘅職場趨勢，話緊失業率會開始上升，請人開始冇咁艱難，言猶在耳，啱啱又有另外一份報告出籠，話其實請人都仍然艱難，但係職位空缺率亦都上升，成件事恍似農曆七月，進入咗詭異嘅靈異空間平行時空⋯⋯
首先個現實係，澳洲經濟明顯放緩，並將保持低迷一段時間。由於家庭消費疲軟，去年的增長有所下降，而商業和住宅投資預計明年將放緩，意味著澳洲目前正處於自20世紀90年代衰退以來持續時間最長的經濟疲弱期。同一時間，通脹對澳洲經濟造成了沉重壓力。事實上，現時通脹是由本土因素驅動的。通脹減少了打工仔的實際收入，削弱了家庭支出，因此預期利率會仍然保持高位一段時間。
即係點呢，即係話第一，公司業績持續惡化，儘管速度不同，一些行業正面臨類似衰退的條件，特別是工業（製造業、批發貿易和建築）和可自由支配的消費行業（零售和住宿食品），咁呢啲公司呢就會面對裁員嘅壓力喇。話雖如此喎，縱使營商環境惡化，勞動力市場尚未減弱。在過去的18個月裡，創紀錄的低失業率幾乎沒有緩解，並且仍然遠遠低於正常水準。事實證明，未來一年，經濟放緩、高通脹和勞動力市場緊張將對僱主來說具有挑戰性。
咁好吊詭喎，又話炒人又話請唔到人⋯⋯原來，低技術勞工的確多咗好多，亦都容易請嘅，去到高技術勞工（即係專業人士） ，咁就大鑊喇，因為冇。亦都因為咁，開始出現基層人工的薪水調低，因為競爭職位的人多，唔使俾咁多錢都有人做，去到高技術，就越嚟越貴，有錢都冇人做。呢啲高技術勞工嘅人工升幅係過去20年嚟增長最快速度嘅，而估計未來兩年會持續。
如果只看薪酬待遇，在2022年和2023年，Fairwork最低工資（Award Rate）大幅增加，分別為5.2%和5.75%。相比之下，Private Sector現時的整體增幅卻只有3.6%。因此，薪酬的增長增加了雇主的工資壓力。返觀今年，Fairwork的調整只為3.75%增幅，回落至全國平均預測水平，亦代表了續漸回復平衡。
呢樣嘢我哋可以追溯返去過去五年，尤其是係疫情期間，澳洲封關，移民人數或者嚟澳洲讀書嘅人數急劇遞減，造成開關之後大量職位空缺，封關其實係折斷咗新移民呢條供應鏈兩年，少咗移民令到澳洲嘅正常工作人口年齡下降2%，即係唔見咗39萬人，於是乎一開關，大量人口湧入，去到2023 年底，工作年齡人口已經恢復，現在更略高於正常水平。即係話，市場係多咗人搵工。而不幸嘅係，過去幾年嘅移民充斥着大量低技術廉價勞工，尤其係以中東、南亞及北亞來的尤為嚴重，因為咁樣，造成今日呢個唔湯唔水嘅就業市場情況。
呢個極端兩極情況會持續至少未來24個月（上面也提及），除非就業人口分佈改變，就業市場會繼續膠著。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
