知名「藍店」銀龍咖啡茶座及神戶食堂（空姐牛肉飯）的兩位店主李凱瑚及郭德英，近日先後於社交平台發帖賣慘。前者嘆生意欠佳，又頻有食環署人員到場，「生意靜到一個點」。後者則指一眾「藍店」非如外間想像般多同路人支持，表態後又無回報且代價大。事件在facebook的「藍谷」、「Save HK 救救香港」引起熱烈討論，惜反對者眾、支持者少，直指「公道講句做食肆嘅，一定係食好食，長線冇可能食理念！熱情就一定係短暫的！你係掂既，唱你都只能影響你短暫！」
自李凱瑚及郭德英分別發帖稱生意難做後，事件在「Save HK 救救香港」fb群組引起熱烈討論，雖然也有支持者，但整體來說仍是冷嘲熱諷居多。
對於神戶食堂（空姐牛肉飯），「Save HK 救救香港」網民留言直指，「我覺得應該做就去做，唔好計較得失」、「唔明全面復興經濟，點會無生意？如果餐單一成不變，係會流失舊客，未必有新客」、「真心無需求回報」、「所以每次去開西九都會支持，不過鯉魚門就有啲遠囉咁」、「假期有時間就去幫襯」、「我見元氣都好好生意，是否藍店和有無生意是兩回事」、「空姐事實係質素麻麻，西九food court成日去，對比入面其他食肆真係唔多吸引，如果係其他地方開可能會無咁大對比，捱到咁耐未執笠已經算係咁」、「咁多藍友幫襯仲想點？呢三年大把低調藍店執笠」、「公道講句做食肆嘅，一定係食好食，長線冇可能食理念！熱情就一定係短暫的！你係掂既，唱你都只能影響你短暫！」
至於銀龍咖啡茶座，意見亦不相上下，「其實呢啲post幾時先至會停，銀龍呢間嘢每隔一段時間就會賣慘，跟住其他谷友就會狂出post話叫人撐佢！如果本身間舖係做得好嘅，價錢公道食物吸引，就唔會冇人幫襯啦！若果去到今時今日都仲要每隔一段時間去靠賣慘而吸引顧客，店主自己又有冇反醒過究竟問題係邊呢」、「我成日想去食過下午茶，但真心，屯門人，佢舖頭又唔太就腳」、「支持過，但啲食物真心好難長期支持，唔分顏色做飲食最低要求個品質，次次無生意就求救，講真唔做好個質素，求救幾多次都無用，希望佢明白」、「去開鯉魚門就幫襯吓，否則交通都幾唔方便」、「元朗應該點去？可唔可以指條明路，咁大個人未去過鯉魚門」。
除了「藍谷」網民不賣帳，就連近年轉低調的昔日建制悍將、愛港行動發言人陳靜心，亦在網上連發數帖，意有所指，「某些做食肆的人故意高調撐警，但到了抗疫期間，又高調大駡林鄭禁堂食，立場完全跟自己生意利益而變動，跟愛國愛港半點關係都沒有，當年仲呃到班傻人免費幫佢做樓面，自己賺到盆滿缽滿。現在社會回歸平靜，就怨生意唔夠做，咁要唔要再來多次黑暴令佢繼續賺到手軟？」之後又發帖續指，「以前未有國安法就話呼籲全民撐警，依家『有法可依』，警察仲使乜你撐？社會需要平靜和諧穩定，你乜顏色做生意賺定蝕關人隱士？抽警察水抽咗4年仲未抽夠？」、「佢以為自己好威？其實係抽水抽著火水自己唔知！做生意靠抽水到依家仲未執算佢行運啦！」
新聞來源：棱角編輯部
