【人事世界】工作假期新安排及注意點 － Sydney HR 的日與夜

澳洲政府同英國政府就住工作假期讀出新嘅安排，相信好多人都已經聽過。基礎上就係持有英國護照或者係BNO護照，你澳洲工作假期有兩項比較重大嘅改變：首先係年齡門檻有30歲升到35歲；另外亦取消咗必須喺舊區農場工作半年嘅要求，即係話工作假期申請者可以於城市上班，更加可以三簽 ，做足三年。

政府有咁嘅決定其中一個原因當然係要補充城市失去嘅勞動力，尤其是係零售、製造業、餐飲、以及服務酒店業等度需要大量員工，工作假期就正正是最好嘅資源，因為好多嚟完做嘢就會考慮留低讀書，讀書亦都係可以工作嘅，佢哋對工作嘅要求也相對簡單，總之僱主案主法例定時定候科水就得。

嚟做工作假期有幾項事情係必須要注意嘅：首先就係僱傭合約，曾經有個案係工作假期人士做咗六個月都冇出合同，去到第七個月嘅時候遭到僱主解僱，今日完project聽日即刻走。呢個已經完全唔合法例規定，僱主已經係觸犯左Fairwork嘅條例。第二樣嘢係公積金即係superannuation。無論你係全職半職定兼職，總之係任何形式嘅聘請，僱主都要幫你供。如果你係工作假期，做完之後會永久離開澳洲嘅話，你係可以申請攞返嘅。要留意呢個措施只係適用於臨時居民，假如你係澳洲嘅永久公民嘅話，就算你申請永久離開澳洲，你都係需要等到退休年齡嘅時候先至可以我攞到你嘅公積金。

然後去到人工喇。首先澳洲係有制定標準工時，即係每周工作38小時。若然你係屬於時薪嘅話，工作超過38小時，僱主係需要超時補水嘅。咁補水係點計呢？個個行業都唔一樣，你需要留意返自己行業嘅標準最低工資，然後再查詢究竟係咩時候開始就會有補水。

承上，每個行業都有唔同嘅最低工資，有時候就算連顧住自己都未必會注意到，所以你需要經常update勞工權益嘅資訊，以免產生不必要嘅誤會同麻煩。

最後我哋要留意，呢個計劃同澳洲政府所提供嘅Hong Kong stream並冇關連，唔係話你嚟咗做工作假期就會納入嗰個救生艇計劃之中。對澳洲政府來講，呢個可能係一個一石二鳥，一雞多味嘅政策，既可以增加人口勞動力，從世界各地（總之你有BNO ）羅致勞動人口，「咁啱」有包埋香港。要知道工作假期其實係有兩個地區嘅政府商討所帶出嘅共識，以而家中國或香港同澳洲嘅關係，絕對冇得傾，之但係用BNO層面，同英國政府 deal，就梗係有偈傾啦，呢啲咪叫識玩囉。

喺香港嘅年青人，如果想透過工作假期嚟到澳洲體驗生活，上面嘅事情就需要留意喇。如果大家喺澳洲工作假期遇到任何問題，在地亦有好多唔同嘅港人組織都會提供協助俾大家，記住有咩問題一定要出聲問，勞工權益係屬於你自己嘅，需要保障。