隨住澳洲全面開關，同時線下課程重啟，大量留學生重返大學校園。初來甫到，相信多多少少都會有啲文化衝擊，難以適應新生活。人生路不熟，家人朋友又唔喺身邊，可能會覺得好無助。不過，原來澳洲大學大多數都有為留學生提供唔少支援服務，幫助佢哋可以早日適應澳洲生活。今日就帶大家睇下喺墨爾本嘅大學有咩隱藏福利，如果係留學生嘅你就唔好錯過啦。
墨爾本大學 （University of Melbourne)
免費餐和蔬果
澳洲通脹嚴重，而墨爾本嘅物價亦都越嚟越高，而墨爾本大學就有為學生提供嘅免费餐同蔬果，而且有多個校區都有提供。想食得安心又健康，同時又想減輕生活開支就唔好錯過啦。
首先，墨大Parkville校區同Southbank校區都有當地非營利組織SecondBite為同學提供的健康冷凍食品。食物會根據SecondBite可用嘅食材做準備，有1kg和250g嘅包裝，無固定菜單，分別有烤雞、醬油雞炒麵，牛肉香腸配蔬菜意大利面。菜同肉都有均衡配搭，保證有足夠營養。
除咗冷凍食品外，墨大仲會為學生免費提供新鮮水果同蔬菜。領取地點就喺Union House，蔬果包羅萬有。
最近，墨大Southbank校區仲為大家提供多元化美食，由2月27日-3月30日每星期一至四，中午12點到下午2點，只要前往Wilin Garden就可以以超優惠價格享受到各國傳統美食。當中包括泰國、牙買加嘅特色餐飲、本地美食、仲有意大利韓國日本等各國佳餚，邊享用餐點的同時，仲可以同其他同學增進文化交流，一舉兩得。
以上嘅食物餐飲福利，只需要喺墨大官網註冊，註冊後會收到確認的電子郵件，郵件上會包含所有有關信息，包括領取時間通知、地點以及需要攜帶學生證等。然後就可以按照郵件中指定日期去領取食物。
網址：https://students.unimelb.edu.au/student-support/health-and-wellbeing/food-relief
免費電影之夜
由墨大本科藝術專業舉辦嘅活動，現場仲有免費零食同飲品提供，可以先到官網註冊，後續有活動郵件提醒。
網址：
https://edsc.unimelb.edu.au/student-experience/clubs-and-societies/abp-movie-night
圖書館容量查詢
每次到咗midterm或者final嘅時候，大家最擔心就係學校圖書館搵唔到位。
依家就同大家分享一個網站，上面可以清楚地查看各個館內人數，非常方便。而且仲係由大學師兄師姐製作嘅網站，墨大同學應該要支持下。
網址：
https://liamsaliba.github.io/uom-study-spaces/
免費游水課程
專為墨大學生開放嘅免費游水課程，為期10週嘅課程裡，每節45分鐘，學生可以學習到必要嘅水上安全知識，亦可以結交到新朋友。想學游泳嘅同學要留意下喇。
網址： https://sport.unimelb.edu.au/programs/water-safety-program
蒙納殊大學 （Monash University ）
$150Myki卡免費送
對於初來甫到澳洲嘅同學，Monash貼心地準備咗墨爾本City旅遊計劃，會組織同學打卡墨爾本嘅經典路線，QV、Myer、皇家拱廊、聖保羅大教堂等等，帶大家了解墨爾本嘅歷史文化，參加活動仲會有一啲小禮物贈送包括價值150澳元嘅Myki卡。對於無車而想周圍遊覽墨爾本依個大城市，就唔好錯過今次嘅活動啦。不過活動需要提前到大學官網報名申請，更多詳情請去學校網站查看。
網址： https://www.monash.edu/students/support/international/events
免費蔬果
對於澳洲不斷上漲嘅物價，Monash都為學生來提供免費蔬果。
只要帶上購物袋，無需註冊報名，喺Monash就讀嘅學生都可以領取免費蔬果，每人限領5種。
活動時間：4月6日、4月18日，中午12點-2pm，先到先得，領完即止。
地點：Northern Plaza (Between C1 Lecture Theater and Campus Centre), Clayton 校區
網址：https://mga.monash.edu/community-markets/
免費睇美術展
Monash Muma展覽開放免費參觀，展覽咗部分第23屆悉尼雙年展Rivus的作品，了解河流濕地等動態生命系統嘅知識。
活動於4月1日結束，地點喺Monash University Museum of Art（MUMA) Caulfield校區，想感受藝術熏陶嘅同學就唔好錯過啦。
網址： https://www.monash.edu/muma/exhibitions
墨爾本皇家理工大學 (RMIT University）
免費早餐
RMIT嘅各大校區都提供免費早餐，喺去上堂嘅路上不妨都拎番份，有水果、蛋白條、牛奶等，發放時間由早上9點半直至發完為止。
City校區是每週二提供，地點就在5號教學樓前。
ACMI會員
坐落於墨爾本嘅澳洲活動影像中心（ACMI）每年都會舉辦好多數字藝術展覽，RMIT作為藝術氛圍濃厚嘅大學，只要係在校學生都可以免費申請ACM嘅會員卡，申請後凡是在ACMI睇展覽、睇電影、泊車、吃喝都會有優惠。
免費接機
澳洲其實各大學都有為留學生提供免費接機服務，如果你係第一次嚟澳洲嘅留學生，可以提前上學校官網搜尋Organising free airpost pick up，填寫個人信息、航班信息、住址等申請即可。
學術支援服務
除咗免費食物、展覽、接機服務外，各大學亦有提供學術上嘅技援。學術論文對於啱啱入學嘅同學嚟講可能係一件好頭疼嘅事，依個時候就應該搵大學入面嘅學術支援服務，當中有豐富嘅線上資料。而一對一輔導服務仲會有經驗豐富嘅導師同學術顧問為你提供度身定造嘅學術建議，提供論文修改，文法糾正等服務，幫助大家掌握更多學術寫作技巧。
各大學學術支援服務網址：
墨大：https://students.unimelb.edu.au/academic-skills
Monash：https://www.monash.edu/education/students/academic-skills
RMIT：https://www.rmit.edu.au/students/support-services/study-support
Deakin：https://www.deakin.edu.au/students/study-support/resources-and-referencing/academic-skills
棱角編輯部
