前香港眾志秘書長黃之鋒被判監 10 年，多名市民周四（5日）到庭旁聽，不少人聞判後神情哀傷。前學民思潮成員 Louis Lee 一直有跟黃之鋒通信，他到庭前表示黃之鋒已在獄中 6 年，希望對方盡快獲釋，「過返本來嘅生活」，散庭後則稱需消化判刑。另一名前學民成員錢詩文散庭後表示「今日真係無其他嘢回應住……真係需要時間消化呢件事」。同案被告、現身處海外的羅冠聰發聲明，稱對黃之鋒再因和平提倡民主而被判囚非常難過，認為判刑再次顯示中國政府「決心打壓一切自由和民主的希望」。
社運人士雷玉蓮周二（3日）起於庭外排隊，成功領籌進入正庭，她帶同一枚金色心形蠟燭，希望以「金心」諧音寓意香港以至世界各地的人都「甘心」愛黃之鋒，其後被警員要求收起。
雷玉蓮表示認識黃之鋒多年，形容對方「好孝順、好好」，如今案件終有裁決，願他早日獲釋，「同佢啲屋企人家庭團聚……可以照顧爸爸媽媽啦，因為當佢出嚟嘅時候呢，佢爸爸媽媽都年紀老邁」，祝黃之鋒平安大吉、保重身體。
｜黃浩銘勉寫信：話畀之鋒聽我哋無忘記佢
前社民連成員岑子杰、陳皓桓、黃浩銘、曾健成均到場旁聽，陳皓桓在散庭後稱心情沉重，對判詞表示「只能夠係無奈，同埋就係，明白」，希望大家互相鼓勵和支持。黃浩銘稱 10 年是相當長的時間，「希望我哋所有曾經參加過運動嘅朋友，喺呢 10 年裡面，都唔好忘記黃之鋒呢個人」，認為市民可透過書信等方式「話畀之鋒聽我哋無忘記佢」。
曾健成散庭後嘆道「人生有幾多個十年」，稱黃之鋒再被增加近 10 年刑期，意味其出獄時，約一半人生均在監獄渡過。曾健成表示黃之鋒所犯的是國安罪行，「佢係為咗咩爭取呢？係為咗爭取所謂嘅香港民主自由」，認為目前市民盡量不表達意見才可「安全着陸」。
｜19歲青年旁聽：戥佢可憐
現年 19 歲的李先生亦特地到庭，他表示近月一直間中留意案件，獲悉判刑消息後「都想嚟聽下」。李先生稱過往有留意社運相關新聞，「戥佢（黃之鋒）可憐」，亦認為儘管近年社會變遷及有不同新法例生效，市民仍要為爭取民主出一分力。
棱角編輯部
