今時今日企業要履行「企業公民責任」（corporate citizenship），其中一樣就係要顧及員工嘅身心靈健康（Well being），當中包括佢哋喺平常生活所遇到響到佢哋個人情緒嘅問題，喺澳洲，舊年甚至通過法例，家暴都能夠享有十日嘅有薪假期，讓受害者能夠安心處理事件。老闆們如果唔去面對同融入呢個大環境，依然好似幾廿年前咁對下屬呼呼喝喝冷酷無情，係依家絕對唔使旨意可以喺職場上立足。
當然又唔係叫你面對啲同事要買佢怕，做老闆嘅今日一啲都唔容易，因為要面對業績之餘，又要Exercise下同理心，對下屬們噓寒問暖一下，先至係新時代嘅管理模式。
話說中國搜尋引擎龍頭百度副總裁璩靜响「五一長假」期間，於其抖音（TikTok）賬號發放短片，直言「員工鬧分手提離職我秒批」，強調企業和員工只是僱傭關係，沒有義務去了解其個人情況，更揚言：「我為什麼要考慮員工的家庭，我又不是她婆婆」。如此言論一出立即備受批評，甚至令百度在港股、美股的股價應聲下跌，市值合共蒸發逾120億元人民幣，百度亦火速同璩靜割蓆，她據報亦已離開百度，另謀高就。
如此言論，就算喺中國大陸都引起咗軒然大波，何況喺西方社會，呢種咁冷血嘅管理手法，就當然冇市場。如果咁樣講嘢喺澳洲又會引發啲咩風暴呢？好簡單，喺你公司跟你做嘢嗰班𡃁肯定十分不滿，如果你仲繼續留喺公司嘅話，佢哋就會同你講拜拜，因為呢啲咁樣嘅意識形態，對於澳洲公司嚟講，毒過大頭奶粉。
如此言論，基礎上係欠缺對人性嘅尊重，冷血亦缺乏同理心。基礎上已經犯了今日作為管理層應有態度嘅大忌，不合格扣至零分有凸。跟住俾人起底，原來阿姐不嬲都係以冷漠無情見稱，重要做公關，其實都幾諷刺。更有人曝光她在公司內部的苛刻要求，例如要求下屬嚴重超負荷工作，對員工進行身心雙重摧殘；也有人投訴淩晨還在群裡佈置工作，她自也坦承「工作風格比較狼性」，然而如此風格，相信除左响中國，很多地方也容不下，尤其澳洲。
响澳洲，「老闆大哂」而對員工作出不合理行為，真係隨時令到自己以後萬劫不復，小心，小
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
