【人事世界】六月雪梨港人商會飯聚 – Sydney HR的日與夜

由2023年開始，OZStarter大約每三個月都會舉辦一次港人商會嘅晚飯聚會或講座，目的係希望促進本地香港人商家之間嘅聯繫，同心協力，互相支援，壯大我哋自己嘅商業網絡，弘揚「獅子山下」精神。

今次我哋轉場嚟到Chatswood嘅Dougherty Community Centre，可能因為踏入財政年度尾聲，大家工作都特別忙，但無損大家交流嘅熱情。一眾香港商家把握機會，熱烈傾偈，互相認識。特別鳴謝黃老闆，喺溝通出現誤會嘅情況下，依然好有心咁為大家準備咗一大堆好味嘅食物，真心多謝晒！

當晚除咗有兩位商友分享佢哋喺生意合作上嘅寶貴經驗之外，小弟亦厚住面皮，同大家簡單講解一下澳洲聘請及解僱員工時要留意嘅勞工法規。大家都知，澳洲法例又多又複雜，一唔小心就可能誤墮法網，特別係招聘流程同離職程序，HR細節絕對唔可以掉以輕心。

轉眼之間，我哋呢個由香港人自發成立嘅商會，已經聚集咗超過80位成員，成員來自各行各業，希望我哋能夠繼續成長人強馬壯。未來，OZStarter會繼續舉辦各類型講座同活動，凝聚更多「真·香港人」。希望大家繼續踴躍參與、熱情支持！下次一有聚會出，記得mark低日子，到時齊齊撐場，一齊見多幾面！

作者：Sydney HR 的日與夜

關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。

支持我們：https://points-media.com/supports/