感謝《棱角》嘅邀請。
當編輯找我的時候，我已經有一種受寵若驚嘅感覺，跟住當佢將刋物嘅專欄博客名單登出嘅時候，忽然之間覺得自己十分榮幸能夠參與其中。睇住份名單，自己作為一個業餘寫手，我估成個List裏邊最Small potato嘅，一定係我。
喺雪梨已經定居八年，算是回流吧，因為90年代初我已經嚟到雪梨讀中學同大學，後來返咗香港發展，結婚生仔之後，發現香港嘅情況每況愈下，於是乎決定同家人返返嚟雪梨重新生活。
我本身係一個培訓師（ Trainer ），回來澳洲之後輾轉入咗HR這個行業，今年已經係第七個年頭。當中有啲時間係做其他嘅，但係都仍然有Keep up 住喺HR行業裏面嘅資訊，而家喺其他行業當中對後來喺人事部嘅工作非常有幫助。在上帝眷顧之下，我在四年前重新投入人事工作，「重操故業」。
這個專欄希望同大家都分享喺澳洲工作嘅點滴，包括從人事角度去分析唔同嘅事，人事部處理該事情手法嘅原因，亦都會同大家分享唔同嘅人事個案，以及澳洲嘅職場文化、搵工秘技等等。
嶄露頭角嘅《棱角》，相信唔單止零死角，佢更加能匯聚離散到世界不同角落嘅港人，以文會友，透過文字，承傳香港人文化，一點一滴匯聚成河，及眾多有心嘅文字工作者，一個自由發表意見的平台。
謝謝大家，《棱角》見。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
