
大埔宏福苑火災一周年將至,政務司司長陳國基周五(20日)表示有「別有用心」者試圖「利用」悼念活動吸引市民作出違法行為。陳國基稱市民「只要參加一啲合法嘅悼念活動」,政府不會阻止,但「提醒」市民「一定要去小心、去選擇」甚麼悼念活動,舉例稱宗教活動舉辦者屬正當團體,惟網上亦有人「講到好白,希望借呢啲機會組織啲人出嚟,做一啲破壞嘅行動」,警方會監察悼念活動,如發現違法行為「一定會採取行動」。
陳國基表示深切慰問宏福苑災民,「特別係一啲痛失親人嘅災民」。他稱「聽到有啲團體話受到壓力」取消悼念活動,澄清香港是法治之區,「任何嘅悼念活動,只要係合法嘅話,政府係絕對容許嘅」,強調政府不會妨礙或阻止市民和災民悼念,「如果有需要嘅情況之下,有關嘅部門,我哋會協助呢一啲希望去悼念嘅市民」。
|促市民「千祈唔好被利用」
陳國基稱已知不少團體如宗教團體都會舉行宏福苑悼念活動,市民和災民有意參加屬人之常情,「但係當然呢,我都希望呢,我哋喺網上亦都睇到,有啲個別……別有用心嘅人士,就希望利用呢一次悼念活動,而做出一啲破壞嘅行為」。陳國基「提醒」市民參加悼念活動時,「一定要去小心、去選擇,千祈唔好畀一啲別有用心嘅人士利用咗,嚟做出一啲破壞嘅行為、或者係妨礙人哋人身安全嘅行為」,強調警方必會依法處理一切違法行為。
陳國基表示政府希望做到最好,使市民可安心和順利地悼念火災,又稱在行政長官李家超「親自帶領」下,政府正全力協助災民「重新購置佢哋嘅家園……買賣亦都進行咗㗎喇」,承諾盡快落實宏福苑獨立委員會此前提出的建議,避免悲劇重演。
棱角編輯部






