2024財政預算案出爐，每年當然係有贏家有輸家。咁同人士有咩關係呢？最大關係就係呢一啲嘅財政預算，影響咗個人佢哋去做自己嘅財務計劃，甚至搵工嘅時候希望得到嘅薪酬； 對企業嚟講，當然係睇吓有冇啲咩減稅措施，又或者做返轉加重負擔，從而需要喺人手方面作出調整。我揀咗幾個對香港人比較大影響或者係有興趣嘅贏家書家去同大家分享吓。
先講吓贏家啦：
1. 電費扣減：每個家庭將獲得$300的電費回扣，符合條件的小企業將獲得$325的回扣。從7月起，所有家庭將自動獲得$300電費回贈，並分四期進行，即係每季慳$75。
2. 教學、護理和社工學生：修讀教學、護理、助產和社工的學生，在他們實習時將獲得每週$319.50的補貼，令他們在實習期間無需擔心失去收入。請留意，是否符合資格收取資助將需先通過聯邦政府的經濟審查。
3. 納稅人：從7月1日起，根據聯邦政府今年早些時候宣佈的變化，每個納稅人都將獲得減稅，即係話交少啲稅。所有低於$146,000年薪嘅人都會獲得減稅；改革將19%的稅率降至16%，將32.5%的稅率降至30%，將37%的稅率從$12萬提高到$13.5萬，並將45%的最高稅率從$18萬提高到$19萬。
4. 學生債務：有HELP、VET學生貸款和學徒支援貸款及其他學生貸款的人，隨著聯邦政府改變貸款的利息累積方式，他們的債務將減少。
5. 社交媒體安全：政府將線上試用兒童年齡驗證計劃，該計劃將測試限制兒童線上訪問色情或其他不當內容的選項；政府將推出先導計劃，作為對最近多宗性別暴力事件的應對措施的一部分。
咁有邊幾個輸家呢？
1. 潛在新移民：政府將為下個財政年度的永久移民計劃設定上限為185,000個名額，其中132,200個名額被分配給技術移民，將更多永久名額限制在符合澳洲長期技能需求的人。預計2024-2025年，海外移民淨額將減半至26萬。
2. 國際學生：根據聯邦政府將要引入的立法，國際學生的名額數量現在將受到限制。教育部長將能夠要求教育機構每年限制新國際學生的最大入學人數。
3. 高收入人士：由於聯邦政府改變了已經立法的第三階段減稅，收入超過$14.6萬的應稅收入將比之前在預算中規定的削減幅度小。從7月起，收入最高的人將少交$4,529稅款，比之前預計的$9,075差了一半。
咁對於求職市場有咩影響呢？當然會係減少咗國際留學生，即係話一啲基礎嘅入職職位喺未來幾年可能會繼續經歷招聘艱難嘅情況，而且，當國際留學生減少，喺一啲兼職勞動市場亦都會繼續出現人手短缺。
亦由於減稅動作喺高收入組群未能受到太大嘅優惠，亦都有機會令到企業職員唔願意向上流，因為計完條數，雖然人工多咗，扣稅後可能賺得仲比以前更加少。呢個係澳洲勞動力市場一個經常出現嘅狀況。加上後疫情時代生活習慣嘅改變，會令到招聘或職員不願意上流嘅情況更為嚴峻。
下星期會同大家繼續討論最新嘅就業情況以及人才管理趨勢。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
