澳洲統計局（ABS）釋出最新數據顯示，調節後澳洲的失業率在2025 年 1 月微升至 4.1%，同時，全國的勞動參與率創下新高，達到 67.3%。全國失業人數增加 23,000 人，使失業率在今年年初上升了0.1 個百分點。同時，就業人數增加 44,000 人（增長0.3%），與 2024 年的平均月增長率相若。
澳洲政府表示，最新的勞動力數據「非常令人鼓舞」。政府稱，自阿爾巴尼斯政府上任以來，澳洲已創造超過 110 萬個新職位，其中包括 706,700 個全職職位。然而，澳洲的僱主對最新的勞動力數據有不同看法。數據顯示，澳洲的勞動市場正在逐步走弱，這突顯了加速私營經濟發展的迫切需求。澳洲工業集團（Ai Group）指出，在 1 月份勞動力淨增加的 67,000 人中，約三分之一原本處於失業狀態，這一點「值得關注」。
此外，2024 年 12 月季度的薪資增長降至 3.2%，也是潛在經濟疲軟的跡象。佢之前亦都講過，其實就業市場係受惠於政府不斷開新職位，而唔係私人市場提供新嘅就業機會。截至舊年八月，私人市場只提供咗新職位嘅4%，然而，私人巿場佔澳洲約 70% 的就業崗位，即係市場嘅訊息係現時商業投資嚴重疲弱。
咁究竟就業市場現時嘅狀況係點樣呢，零售市場傳統上一、二月呢都係比較靜嘅，所以我哋睇到係有一個小型嘅裁員潮，一般嚟講都係兼職嘅就會減Shift啦（零售鋪面人手要控制到整體收入大概15%左右），甚至係餐飲業都開始出現呢個情況。呢個會持續到至少去到五六月，雖然當中都會有情人節、母親節同復活節呢啲大型嘅節日，相對上人手係唔使咁多嘅，去到六月嘅時候就係財年，一般呢都會多少少人手，因為好多公司都會趁住喺財政年度完結前去購買用品嚟抵銷稅項。
所以嚟緊呢幾個月我哋會預期嘅係失業率慢慢會上升，會唔會升得好犀利呢，基礎上就係唔會嘅，因為正如一路所講，除咗啲基層入職職位係比較多選擇之外，上到去中高層職位係依然非常缺人手嘅。
嚟緊下幾個月會繼續留意就業狀況同大家分享。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
