早幾日Instagram algorithm派咗條片俾我，話有啲對shellfish食物敏感嘅人有時都會對preground coffee（預先磨好嘅咖啡粉）敏感。
原因係：preground coffee有時會有曱甴碎！！！！！！
之後睇返相關新聞同資料，發現美國FDA確實喺條文上容許咖啡豆之中有4-6%嘅豆係受昆蟲infest，而工廠喺磨咖啡粉嘅工序間亦無辦法完完全全地篩去所有昆蟲，所以咖啡粉包含其他磨成粉嘅曱甴同其他昆蟲都唔係新奇事。而同時，雖然聽落會覺得難頂，但實際上對人體無害。有興趣嘅朋友可以google下，越睇發現越多生產過程無法隔走呢類「無添加大自然蛋白質」嘅食品。
事後非常震驚嘅我同呀萱分享。每日朝早都會親自手沖同磨咖啡豆嘅萱突然驚覺，自己咁多年唯一一包會沖又飲哂嘅預磨咖啡粉，就係周永康上年去完巴西送俾大家嘅手信。
而我，同樣地，全包飲哂。。。。。
我自細唔飲咖啡，次次飲完都會唔舒服，直到我開始做HKDC，慢慢由「可以」飲咖啡變到每日「需要」飲咖啡。但係自從知道呢個消息以後，我嘅作嘔感覺又返返嚟，而每次飲咖啡都諗起一套電影，叫Snowpiercer。
作者：郭鳳儀
郭鳳儀專頁：https://www.facebook.com/annakwokfy
