上星期我哋睇到老闆同埋職員喺唔同嘅範疇上都會有一啲睇法上嘅距離，也有唔同嘅期望，今日我哋會集中去睇員工自己，究竟唔同嘅世代，佢哋喺工作上邊理念同埋工作模式，又有啲乜嘢唔同呢？承接返上星期提到嘅嗰個研究，其中一部份就係討論有關喺職場上唔同嘅世代佢哋抱住乜嘢心態。
我哋知道現時喺職場已經達到可退休年齡嘅，我哋喺稱為baby boomers嘅一代，跟住落嚟40到50歲嘅就係X世代、然後Y世代、千禧世代、以至去到而家最新嘅Z世代。相信喺一個辦公室裏便，你有機會係會見到晒咁多個世代嘅同事，而家就等我哋一齊去研究一下呢班同事們佢哋抱有啲咩工作心態？又睇吓你同唔同意呢。
首先睇X世代：佢哋最睇重嘅就係與同事們嘅關係、能夠有比較有彈性嘅工作安排，佢哋都會注重管理層嘅風格，而且亦都看重佢哋自身嘅精神健康，傾向對管理層願意信任，並且期望能夠得到足夠嘅培訓同埋發展機會。
咁樣Y世代呢？好多都好相似，例如佢哋一樣體重同同事們嘅關係囉管理層嘅風格、培訓等等，同時間佢哋都體重升遷嘅機會以及有否喺工作上被上司讚賞或者受公司器重。
差唔多千禧年代嘅員工呢，佢哋反而睇重係同管理層嘅關係，有冇足夠嘅培訓、亦都會體重同同事嘅關係同Z世代一樣，佢哋亦都覺得自身精神健康都係好重要嘅，亦都期望受到公司肯定同埋讚賞。
最後去到Z新世代，首要嘅竟然係工作嘅彈性，例如在家工作、有每一個員工有好嘅政策，另外有一點同其他世代最唔同嘅係，佢哋係唔願意開OT，希望公司能夠嚴謹遵守每日嘅工作時間。另外公司肯定啊同同事、經理之間的關係等等，與其他世代一樣都係緊要嘅。
四個唔同嘅世代，我哋睇到有一條common line，就係與同事嘅關係、公司有否肯定佢哋嘅貢獻（除咗X世代）、管理層風格（除咗Z世代） ，可以話係跨世代嘅共識。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
