又係時候同大家更新一下就業數據，澳洲統計局（ABS）公布了季節性調整數據，9月的失業率穩定在4.1%，與8月修訂後的數字一致。隨着聖誕臨近，正如一路嘅預期，就業人數會上升，受惠於節日需要大量兼職人手。澳洲儲備銀行決定利率繼續橫行，有分析認為需要去到2025年第二個季度先至開始有機會減息，就業市場因此持續受壓。
儘管失業人數略有下降，但由於就業人數的強勁增長，勞動參與率上升了0.1%，達到67.2%的歷史新高。創紀錄的就業人口比例和勞動參與率表明，大量人口正在進入勞動力市場，並在多個行業找到工作，而職位空缺數量仍高於疫情前的水平。相比於疫情前失業率為5.2%時的水平，現在仍然有一段距離。
男性工作時間增長了 0.7%，而女性工作時間卻下降了 0.3%。這可能係鑒於臨近節日，倉庫需要更多嘅臨時員工去處理貨物，導致以上嘅狀況。
就業不足率基礎上維持不變，百分比仍然遠低於疫情時的紀錄。
一般進入11月，企業嘅招聘會開始困難，講嘅唔係一啲兼職又或者係有關節日嘅工作，而係傳統白領。通常去到第四季尾至來年嘅第一季，職場都會比較緊張，因為去到假期嘅時候好多家長都會為咗照顧子女又或者同佢哋外遊，就梗係唔會搵工啦，而呢個現狀會持續到起碼過咗國慶。另外好多公司都會去到年尾或者年初係派bonus，咁你當要等埋先走㗎啦係咪呀，點解去到呢個時間會係招聘寒冬囉。
下星期會有更詳細嘅就業數據釋出，到時再同大家分析。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
