英國政府的《移民白皮書》5 月公佈後，引起社會極大迴響，各方均發起國會聯署，要求政府勿修改移民至永久居留年期。
上月，有在英港人就維持英國國民（海外）BN(O) 簽證 5+1 至永居，以及英語試安排發起聯署，僅九日已達標。工黨 Nottingham Rushcliffe 議員 James Naish 於周二（8日）電郵詳細回覆聯署發起人 Duff Li，指或排期九月暑期休會後辯論。
Duff Li 以文字跟《棱角》分享「功成不必在我」，「希望無論爭唔爭取到咩，千祈唔好有人會記得我，成日畀人記得好大壓力 」，只望眾人記得超過 10 萬人一齊付出過努力就可。
對中政策跨國議會聯盟（IPAC）亦製作解說懶人包，分析上議院議員奧爾頓勳爵（Lord Alton）的修正案，會如何從法律層面，達至保障 BN(O) 簽證權益。
發起人：成本最低發聲方式
工黨政府在 5 月 12 日發表移民白皮書，欲收緊移民條件，其中對影響大批港人的 BN(O) 簽證未有清晰交待，社群一度如驚弓之鳥，不確定永居年期會否同被改成 10 年。
Duff Li 當日即時開設國會聯署，同日初步找上 20 個簽署，以送交聯署小組審批格式，惟無奈等到 6 月 25 日方獲批，一度以為聯署被拒。
「等待審批期間，一度以為聯署唔會獲批。」香港民主委員會（HKDC）的國際倡議及項目助理劉珈汶亦以實名發起英國國會聯署，冀將中港列外國影響力登記計劃「進階級別」。
劉珈汶確認，審批用上三個月。
Duff 直言，聯署是以最低成本且官方承認方式，「唔駛親自去唐寧街十號，最高性價比令工黨政府知道移英港人心聲。」
他預算因未有實則政策，大約會有約三萬人簽聯署，「可能有唔少人想等政策出台先再聯署。頭七日數字亦喺我預計之內。」
聯署最終於 7 月 4 日晚上 10 時 46 分，達到十萬簽名門檻。
Duff 指，聯署第 8 日簽名人數激增，由前一晚的 3.3 萬，飆升至 7.5 萬，最高峯時段每秒有一個人簽名，「呢個係個好驚人嘅數字。」
港人動員能力尚存 「超越黃藍」
他起初謙稱，自己不過為「163,400 移英香港人入面其中一個」，惟非常清楚聯署數字的份量。
「即使香港人動員力好高都好，每兩個移英港人就要有一個參與聯署，呢個係一個好艱難嘅事；當年 200 萬人 +1 上街，都係四個人有一個上街。」
為何之前議題都難以推動，BN(O)卻一呼百應？他認為是香港人最重視承諾
「永居條款不變係移英港人嘅最大共識，政策推行四年突然要改規則，呢個係無論左中右立場香港人都無法接受嘅事。」
「如果仲有所謂黃藍之分嘅話，呢個議題可以得到 60% 以上移英港人聯署，甚至已經超越黃藍。」
根據國會聯署數據，超過 98% 聯署嘅人來自英國，2% 左右來自香港，其他中東、南亞等等國家只有個位數字。
「真係由移英港人一個一個口耳相傳咁簽出嚟㗎」，Duff 反駁有人指聯署數字「發水」。
身教子女 港人社群融入英國
16 萬移英港人中，有一部分為陪同父母移民的年幼子女。
「我喺唔同渠道得悉，好多香港父母唔只自己簽名，仲教育下一代，得到子女同意之後一齊簽名，呢個係一次好好嘅身教行為。」
Duff 稱讚聯署最大效果是，港人除願意跟子女解釋外，亦會走進社區，邀請朋友、鄰居，以至同事簽署，以個人身分作遊說倡議。
「除咗證明移英港人已經完全融入社區，冇淨係群埋自己人圍爐，佢哋仲已經得到本地人嘅接納同支持，呢個係好緊要嘅事。」
他亦提到網上社群 Reddit 曾有帖文問及本地人對 BN(O) 簽證看法，「好多留言都係支持移英港人，證明呢個簽證計劃推行四年，已經有越來越多本地人知道移英港人呢個社群。」
「希望無論爭唔爭取到咩，千祈唔好有人會記得我，成日畀人記得好大壓力 ，記得超過 10 萬人一齊付出過嘅努力得喇。」
棱角編輯部
