主頁 香港 初選47人案 吳政亨獄中...

初選47人案 吳政亨獄中骨折 料下月可上庭

網名「李伯盧」、有「政治素人」之稱的吳政亨,因涉前年民主派初選47人案,涉違《港區國安法》於2021年初被捕,被控串謀顛覆國家政權罪並還押至今。本月12日他在荔枝角收押所做運動時意外受傷致骨折需送院治理,結果未能出席本月17日的初選案審前覆核。

吳政亨(李伯盧)關注組在Facebook發文,提到其最新情況:「趁新年去咗探佢,見佢仲精神過我,完全唔似啱啱受完傷仲入埋廠又極速出返嚟嘅人。吳生就解釋,自己係容易受傷嘅男人,以前都做過幾次手術,手手腳腳都有份,有足夠經驗應對今次意外。所以大家唔使擔心,雖然佢治療完頭幾日瞓覺都唔太方便,但依家已經好咗啦,預計唔會影響下個月上庭。不過嚟緊仲要覆診同做復康治療,希望順順利利啦!」