澳洲統計處釋出數據，8月份失業率維持3.7%，比起幾個月前嘅3.4%已經呈現輕微增長。就着現時仍然係處於Employee Market呢一個狀況，有企業家認為這造成僱傭關係上的「賣方市場」，不利於提高生產力。
雖然失業率輕微上升，不過新增職位仍然超過六萬個，比起市場預期嘅2.5萬個多出超過一倍，就業人數與人口比例升0.1%至64.5%，與6月份的紀錄相若。這些數據反映勞動力市場繼續緊張。不過，部份僱員嘅工作時間就有所縮短。未充分就業率從6.4%升至6.6%。
房地產富商格納（Tim Gurner）表示，失業率應上升「四至五成」（即係要去到大約5%以上失業率）才能恢復澳洲經濟的生產力。佢呢個說法係有咩根據呢？他指，疫情改變了很多工人的態度，有啲僱員變得「傲慢」。佢認為若然僱員覺得企業能「聘請」到他們是非常幸運，那整個（經濟）系統就改變，嚴重影響了生產力。
呢個說法喺人事界亦都有相似嘅觀察，尤其是喺招聘嘅時候，應徵者會認為現時人力市場資源緊絀，部份求職者因此吊高嚟賣，向企業開出一個與他們履歷並不相稱嘅薪酬要求，令企業卻步；亦有僱員甚至會放慢手腳，認為僱主唔敢隨便開除佢哋，工作散漫，而僱主亦都因為處於人手緊絀嘅狀況，採取隻眼開隻眼閉嘅態度，間接助長並建立咗一批冗員。話雖如此，隨着生活開支成本嘅上升，每個家庭會有更多嘅成員需要出嚟工作，咁樣失業率就當然會繼續維持低水，因為需要長期勞動嘅人口增加。
格納嘅言論當然極其涼薄，同時間卻反映咗部份僱主對現時勞工市場嘅不滿。以目前3.7%的失業率接近於2022年7月和10月的3.4%半世紀最低位相比，若失業率攀升五成至5.6%，就意味著會有27.5萬人失去工作。
咁究竟失業率攀升係會否發生呢？根據物極必反嘅理論，以現時咁低嘅失業率去睇，攀升只係遲早嘅事。根據《雪梨晨鋒報》（Sydney morning Herald）報導，業界組織Business NSW的研究顯示，23％的公司預計在接下來的季度內，減少員工人數，即係話大約每四間企業就有一間會準備裁減員工，又或者有員工離職以後暫時停止招聘。有62％的企業打算保持相同的員工人數，只有15％預期會招聘更多員工。
與此同時，澳洲統計局的最新數據顯示，澳洲人的每周收入仍然追不上通脹率。根據所釋出數字，5月份全職成年人的平均周薪達到1838澳元。在過去一年中，平均工資增長約為3.9%，即每周68澳元，這是自2013年5月以來最強勁的年度增長。但在這段時間，根據月度通脹衡量標準，通脹率上升5.5%，即係員工嘅加薪幅度仍然跑輸。咁我哋點樣演繹上述呢項數據呢？簡單嚟講就係如果你今年冇加人工嘅話，實質上你同被減薪差不多，因為各類嘅消費物價都上升，你嘅薪酬維持喺同一個水平，根本無辦法可以支付平日嘅開支。
睇嚟失業率上升係無可避免，各位打工仔，喺未來幾個月大家還是小心一點吧。
作者：Sydney HR 的日與夜
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
