澳洲統計處釋出數據，10月份失業率維持3.7%，新增職位對比起去年同期相差大約4000個。每月工時中位數亦都上升0.5%，意味着企業寧可要求員工做多一陣，都唔願意去招聘更多新員工去處理公務。已經開始去到年底，勞工市場明顯放緩，企業大多唔會喺呢個時候招聘新員工，一般嚟講都會等到過咗新年甚至係去到國慶以後，勞工市場先至會再次活躍起嚟。
就業不足率仍然維持6.3%，跟過去數月相約。同時間，就業人口比率及參與率也有輕微升幅，相信受惠於年底零售或餐飲等服務業及物流業需要大量勞動力所至。預期於新年後，零售及物流高峰期過後，失業率有機會輕微攀升。工時的增長也正在在放緩，在過去四個月一直下降。 這表明，與 2022-23 年期間工時的強勁增長相比，勞動力需求明顯疲弱。
展望未來個半月，就業市場應該會處於停擺狀態，因為學校假期、聖誕以及國慶都在未來兩個月相繼出現，僱主及僱員都會先停落嚟，享受完假期之後才再會投入勞動市場。公司喺呢段時間都會行skeleton roster，即係可能只係得一半人返工，另外一半就會放假。呢個情況裏邊一般都唔會請人，因為喺入職培訓方面相對比較唔方便。
相信2024年就業市場會更加嚴峻，面對着加息周期持續，營商環境會越趨艱難，同時僱員要求有更高人工會導致企業成本不斷上升。有啲大行已經開始進行裁員，例如銀行、金融界等等，相信將會蔓延至其他界別。
企業會繼續尋求即食專才，薪酬兩極化會越趨嚴重。由於企業期望新員工能夠在最短嘅時間之內掌握企業運作流程又或者所使用嘅系統，對佢哋嘅技術含量要求相對提高，呢個就係其中一個導致薪酬兩極化嘅原因。而喺新移民方面，佢哋雖然能夠喺技術含量達到要求，然而卻因為缺乏本地經驗及人際網絡，到最後可能都係要先從低技術階層做起，才能打開缺口。呢個現象喺大部份行業都會出現，除非係嚴重缺乏人才嘅專業例如醫護、護老服務、廚師等等，門檻才相對較低。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
