職場工作就當然有機會大家意見不合，一個唔覺意有拗撬，而衝突升級到需要作出投訴嘅時候，喺澳洲嘅勞工法例裏邊，又有啲乜嘢嘅保障呢？
好多人都知道喺澳洲係充滿着不同種類可以俾僱員用嚟保護自己嘅勞工條例。下邊有幾項可以話都係幾common你會成日聽到有人用呢幾個範疇去保障自己權益：
Work discrimination：歧視係一個非常之大嘅topic，因為當中包含嘅範圍非常廣泛，例如年齡、性別、種族、宗教，身體狀況甚至性取向。簡單來講，舉個例子啊，喺澳洲嘅招聘廣告裏邊係咁指出現任何具歧視性嘅字眼，好似你唔可以淨係話招聘某一種性別，又或者年齡層。然而咁係咪真係冇彎轉呢？咁當然唔係啦，有啲係因為直接必須擁有嘅條件，例如女性浴室招聘澡堂主任，當然要係女人啦！又或者係喺倉庫裏面招聘搬運工人，長期需要搬運超過20公斤以上嘅物品，當然會係大部份應徵者係為男性。一啲比較踩線嘅例子就係因為工作需要跟外國長期溝通，要懂得講某種嘅語言，僱主需要喺招聘嘅時候講明或者喺招聘廣告中寫明，避免因此落入法律陷阱。
歧視另外一個範疇就係喺工作裏面，僱主或者主管因為上述嘅範疇而對你嘅工作有偏見。同大家講一個聽起來超現實，但係真實發生嘅例子吧。曾經收過一個投訴，就係同事認為被主管因為國籍嘅緣故歧視他。當時同事認為他是整個經理團隊裏邊唯一一個某種族的人，然而經過調查後，發現那位經理在招聘其他同事之時，並不知道他們是屬於那一個族裔的，因為在履歷上並沒有寫明，人事部亦證實溝通的時候根本沒有問過。由於在東南亞地區有一些語言是共通，根本沒有辦法考究他們是從哪個地方來的，而剛好那些同事跟經理是來自同一東南亞地區，被投訴同事誤會，認為他（經理）偏袒自己族裔。該名同事最後向Fairwork作出投訴，經過聆訊後，裁定投訴不成立，對經理嘅控罪撤銷。
聽起來很魔幻吧，這個一確實曾經發生過。
剛才嘅例子就係唔成功㗎啦，若然成功咁又點呢？一般來講，Fairwork會責成企業需要為此作出書面道歉及作出改善例如透過培訓、出Memo重新其反歧視政策等等，而企業亦需要根據指示處理。
下面嘅做法就有可能構成歧視：
- 而工作表現以外嘅理由解僱員工
- 因員工外在際遇左右其工作升遷
- 偏袒其他員工
- 拒絕招聘履歷合資格員工
有關職場歧視嘅法例，可參閱以下網址：
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
