主頁 澳洲/亞太 【人事世界】工傷怎麼辦?

【人事世界】工傷怎麼辦?

返工就梗係好想成個人完整嘅上班,完整嘅下班。工作上受傷就梗係冇人想,不幸地,呢件事情總有機會發生。唔好以為淨係係一啲需要勞動或者需要長期面對客戶走來走去嘅工作先至會容易受傷,其實就算你坐喺辦公室,你都有機會因為唔同嘅事情而整親。

扮工室嘅工傷一般來講都係整親條腰、整親隻手、衣服被碎紙機夾住扯落去(男仕嘅領呔又或者女仕嘅圍巾頸巾等)、唔小心踢到電線跌親、喺樓梯碌咗落嚟等等;喺工場就更加層出不窮啦,我遇過嘅就係有嘢跌落嚟砸到、維修機器嘅時候唔小心夾扁咗隻手指、明知自己唔夠力就拎起啲超重嘅物件,然後搞到脊骨移位要做手術、又試過有人基礎上係唔用腦,用鐵筆打開高過自己嘅木箱嘅時候,竟然企喺支鐵筆下邊,用力一拉就撞咗落自己個頭度,搞到逢咗五針……

係咪聽到都打冷震呢。咁一般來講遇到呢啲事情,人事部又會點樣處理呢?其實每一次工傷,部門主管都需要填寫一份incident report,然後交俾佢上司同埋人事部,詳細列明意外嘅成因,受傷程度,以及點樣可以避免再次發生同類意外。若果意外涉及傷者需要入院治理或者嚴重到要call白車,人事部嘅同事或者部門主管就會跟着去,make sure同事得到適當嘅照顧,以及需要提供公司有關資料俾醫院,若然事件嚴重(試過因為意外有同事係其中一隻眼盲咗)甚至需要落口供。喺新南威爾士州,若然係需要申請賠償,工傷後需要申報俾icare,係政府認可嘅工商保險公司,有一大堆文件要填,簡直係人事惡夢。

簡單嚟講,公司每年都要「標會」,跟icare 購買勞工保險,在發生意外時,佢除咗會按保險程序作出賠償,更會為傷者進行assessment,去睇吓傷者喺康復時有否能力上班以及可以執行什麼樣的工作。公司需要確保執行icare 建議,給予合適嘅工作職位予傷者,直到他康復為止。

如果受傷同事好似剛才講嘅,未能夠重新執行佢原來嘅工作,我哋叫呢個情況做lost time injuryLTI),因為係呢個時段,同事係唔能夠履行佢嘅工作職務,甚至需要休假,回到崗位是只能夠給予一些簡單工作。在人力資源成本效益上,這個就是可以算是一個損失,因為公司需要另聘一些額外資源去補充。LTI可以維持一段長時間,曾經有同事因為被跌下來嘅紙箱砸到頭,後來年半都唔能夠處理返自己嘅日常工作,保險公司除咗要支付醫療費用外,還需要在他請工傷架時給照出糧。同事回來後更要assign light duty,成件事都搞咗一大輪。

除咗真正工傷外,另外一個我哋會叫做near miss,即係話差啲就有意外。呢個我哋都需要撰寫報告,責承有關部門作出改善,防止真正嘅意外發生。

新一年,希望大家喺2023年到工作順利,遠離工傷。

作者:Sydney HR 的日與夜

關於作者:作者為一企業人事部職員,同時為合資格Life Coach,國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落,無比哀嘆,盼一盡綿力,將文化保存,以文會友,抒發一下。這篇文章,歡迎轉載。