不公平解僱（unfair dismissal），係澳洲其中一條經常被提到嘅一條僱傭通例，一般來講大家都估到係有關喺工作上受到不公平對待時候所使用嘅。
不公平解僱本身都好容易明白，就係僱主不能單方因為僱員嘅身體狀況，好似懷孕、工傷等等將其解僱，如果僱主真係咁樣做嘅話，僱員就可以去Fairwork用unfair dismissal去與僱主對簿公堂。根據Fairwork：
- 當員工作出了某些行為，在被警告或不未被警告的情況下遭到解僱
- 在沒有跟員工作工作評估下，以他們的工作沒有達到要求的水平解僱員工
- 在沒有跟員工線討論的情況下，告訴員工他們的職位現在或未來會被裁減。
上面三項我哋都需要非常小心處理，因為一個唔覺意，僱主就可能踩中地雷，中咗招都唔知。喺中小企會比較容易出現呢個情況，因為僱主唔了解僱傭通例，亦都冇HR可以問，若果員工表現不佳，僱主就可能將佢即場解僱。喺澳洲呢個並唔成立，因為保障僱員條例裏便寫得好清楚係乜嘢情況之下先至可以解僱員工，例如嚴重違反公司Policy，一般來講就係犯法或者穿櫃桶底，又或者任何刑事罪行，就可以職場解僱毫無懸念。若果唔係上述的幾項，而佢又係已經返工超過六個月嘅話，之前已經提過，要將其解僱會係一個漫長嘅過程。
喺員工方面，若然被解僱嘅員工認為僱主嘅解僱不合理，佢哋要喺被解僱後嘅21日之內提出訴訟，否則便不被接納。請注意，你需要被聘用超過六個月先至有資格去提出此訴訟。如果係屬於小型企業（公司人數少於15日），咁僱員係受雇嘅頭12個月，都唔可以用unfair dismissal來提出訴訟。
咁僱員輸贏又有咩影響呢？首先，我相信正常來講，係因為上述原因被解僱嘅話，就算你贏咗場官司你都唔會想返去做，因為肯定面阻阻。所以最慣常嘅做法就係公司需要對被解僱嘅員工作出經濟賠償，而賠償嘅金額係會就住案情而去判決，最高係可以陪26個星期嘅人工。
有關不公平解僱嘅資料，詳情可以在下面網址找到：
https://www.fairwork.gov.au/ending-employment/unfair-dismissal
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
