主頁 英國/歐洲 RubberBand Ci...

RubberBand Ciao 6號淚腺英國失守 以歌為信下一站歐陸

《RubberBand Ciao World Tour 2023》世界巡迴的首站於3月24日來到英國倫敦的OVO Arena Wembley舉行,6號以《dciated To…》作開場,一口氣唱出《¿醒未?》、《豬籠墟事變》及《細街盃》。 6號表示,到英國跟大家見面,是花了不少的努力:「以下嘅歌係好似一啲手信,帶畀你哋,我哋Keep住練習講再見,練習去講Hello,終會喺我哋見到大家嘅一個moment就會實現。」

作為RubberBand首個世界巡迴演唱會,6號坦言一路走來不易,他指由當初只是在各大學做校園Tour,到2023年終於可以擁有一個世界巡迴,能於倫敦與隊友一同唱歌,他表示很感謝第一批到場見證他們第一次的觀眾:「我哋就嚟到半百㗎喇,但係都會繼續努力,我哋繼續寫歌,距離有遠有近我哋繼續寫歌。」並多謝觀眾為RubberBand送上一個如此夢幻的晚上。

隨著最後一首歌響起,6號向台下眾人表示要唱出最後一首歌,以免大家趕不上尾班車回家,豈料觀眾們起哄,但並非是叫Encore,而是大叫「有車」,非常惹笑,令6號亦不禁戲言要創作一首名為〈通宵車〉的歌曲。雖然已經表明是最後一首歌,但即使場館內的燈也亮了,熱情的觀眾仍留守場內不願離開,不斷高呼Encore,最後RubberBand再次出場唱出《Simple Love Song》及《一早地下鐵》,並以與台下觀眾大合照作結尾。

World Tour 的第二站於26日晚在英國曼徹斯特的 AO Arena 舉行,雖然有了頭場跟「自己人」重聚的經驗,但來到第二場仍然有不少令人感動場面,6號的淚腺更是連番失控淚灑台上。在唱出《倒行詩》前,6號再次感謝一眾到場的觀眾,他說:「呢首歌就係提醒我哋所有嘢唔係必然,RubberBand嚟到曼城唔係必然,有你哋睇我哋都唔係必然,好感激呢次音樂會見到你哋。」
當6號唱出《假使世界原來不像你預期》的頭一句後,見到台下的燈光海時便再控制不了情緒失守淚崩,隊友泥鯭見到6號哽咽,便接力唱下去,而台下觀眾亦高呼「加油呀!唔好喊!」好不容易收拾情緒繼續唱的6號,到副歌時再次哽咽,不過這次換成台下觀眾一同接力繼續唱,場面感動。


6號有感而發表示:「感謝千里外的你們明白我們,不論我們有幾多甩漏、喊,我們咁多年走來,你哋都聽我們嘅音樂,你們等待我們嚟到曼徹斯特,好感謝你們明白我哋,每一張唱片每一個音樂會,可能喺香港音樂會你哋未必睇到,但係我們應承咗大家,說了再見就會再見,嚟到呢度。」場內觀眾即報以歡呼聲,而6號亦承諾兩年後再回來曼徹斯特。

完成兩場英國站演出後,阿偉表示仍然處於開心及興奮的狀態:「我同6號、阿正都有落台同觀眾近距離接觸,觀眾同我哋握手握到好實,感覺就好似同一啲分開咗一段時間嘅朋友大力擁抱,感受好深刻。所以,希望嚟緊盡快落實北美及台灣等World Tour 站,同更加多觀眾再聚,大家要等我哋嘅好消息!」

 

棱角編輯部

《RubberBand Ciao World Tour 2023》歐洲站

德國柏林

日期:2023年3月28日(星期二)

時間:晚上8時正

場地:Huxley’s Neue Welt

票價:€85  (全企位)

門票於2月17日上午11時起於 dodotickets.de 公開發售

荷蘭阿姆斯特丹

日期:2023 年 4 月 2 日(星期日)

時間:晚上8時正

場地:Melkweg

票價:€85 (全企位)

 門票於2月17日上午11時起於ticketmaster.nl公開發售

 *所有時間均為當地時間

支持我們:https://points-media.com/supports/