除倫敦藝術雙年展 (London Art Biennale）外，亦有香港人入選皇家蘇格蘭美術學院年度展覽（Royal Scottish Academy Annual Exhibition）。
Jack So 的《老人院 Nursing Home》以人工智能（AI）技術，重現他在長沙灣一間老人院探訪外父時，一直影響著他的景象、聲音，以及感覺。
他跟《棱角》訪問時，提到歷史源出公共記憶，當科技進化至自動化時，人類或自我封閉於自身感官世界，個人記憶毫無社會性交錯時，歷史將如何書寫。
「到時變咗人類有冇歷史呢？未來究竟有冇歷史呢樣嘢呢？」
Jack So 的前作《Hongkonger》曾獲日本海外港人組織「香港民主女神」的首屆香港自由藝術獎大獎。
Jack So 從事電腦編程及資訊科技行業，他說，一直透過藝術尋找自己真正的身份跟真正的自我。
問到為何不用裝置方法呈現，他坦言是資源問題，也是科技達至自動化以後，反思「真實」的方法。
「嚟到英國之後突然之間諗返呢件事，咁啱 AI Video 技術又可以做到。」
他的前作《Hongkonger》，也是利用電腦技術，在空無一人的地鐵車廂中，建構出大量空心鐵柱，試圖表達香港人感受，饒富想像。
公共記憶或被個人感觸取代 歷史難以編寫
Jack 提到，科技進展是人類社會自動化，AI 與程式只為自動化過程的一部分，「只不過而家就將一啲我哋以為唔能夠自動化嘅嘢都自動化咗，咁嗰個震撼性係好大嘅。」
他著眼公共記憶與歷史的關係，如果每人生活在自己的觸感世界之內，生活在自己的記憶之中，到底還有否共同經驗編織而成的「歷史」。
「其實幾十年前都已經有好多科幻小說講緊類似嘅嘢，我覺得可能喺十年之內，或者係下一代，所有人都係生活喺自己嘅世界裏面。」
「當 AI 可以模擬到所有觸覺之後，所有人都寧願生活喺一個虛擬嘅世界裏面，無論嗰個存在嘅形式係 VR，又或者係更加先進嘅 neural link之類。」
他不認為世界會變成跟電影《Matrix》一樣，所有人活在模擬的數碼空間內。
「但係就好接近喇，到時變咗人類有冇歷史呢？未來究竟有冇歷史呢樣嘢呢，定係所有人都生活喺自己嘅記憶裏面，而嗰個記憶係同所有人記記憶係唔同嘅，咁呢個都係一個好有趣嘅想著空間嚟嘅。」
作品已在 5 月到 6 月在愛丁堡的皇家蘇格蘭美術學院年度展覽展出，下一輪會於 9 月18 日到 10 月 4 日，於美國密芝根州的 ArtPrize 展覽展出。
棱角編輯部
支持我們：https://points-media.com/supports/
