Mirrors主要成員「教主」盧瀚霆Anson Lo推出自家品牌服裝品牌ALLOVER，今日2月20日佢特別喺IG以千字文同「神徒」們講述呢個品牌嘅心路歷程，亦感謝「神徒」嘅支持。原來最初他從來冇諗過做到咁嘅規模，但有前輩跟佢講，「一係就唔好做，一做要做就要做到最好」，燃起佢嘅鬥心，一於要做到最好為止。
Anson Lo在千字文中坦言，「喺籌備過程當中的確好辛苦，每日除咗錄新歌、排舞、拍廣告，其餘空檔時間都留哂畀ALLOVER，每次開會七至九小 至凌晨三點。第二日早上七點開工，身體同頭腦都好疲累。」想到要做到最好，Anson無論幾辛苦都撐落去。
當佢決心做好自家品牌，就從基本的入手，由設計、製作及宣傳都重新開始，聘請更多幫手。服裝初哥嘅佢，凡事都親力親為，「每一件設計都需同廠商來回最少五至六次嘅檢查，拍攝工作中突然要臨時作關鍵性決定，對我呢個一開頭對布料、廠家、尺寸、色板數字、生意係零概念嘅人嚟講，實在係好傷腦筋，好怕質量唔夠好。數量唔夠多 無法滿足到所有人，腦海真係經常閃過放棄嘅念頭」。
「神徒」熟悉嘅Anson Lo又豈會輕言放棄，完美主義嘅佢，每一件事都要做得仔細，做得完美。當佢首次見到製成品，當刻真係好感動，亦覺得佢跟他嘅團隊過去嘅努力冇白費，亦好自豪每一樣產品。
媽咪擔心教主唔夠休息
如此忙錄，媽咪當然擔心Anson唔夠時間休息，他特別在文中向媽咪及「神徒」承諾，不會因為任何事影響到佢熱愛嘅演藝事業，呢個亦係佢初搞自家品牌，對自己嘅承諾。
講起「Our First Date」當日，佢知道大批「神徒」排好長時間隊都入唔到場，雖然佢先啱啱連續25小時拍MV，但見到班「神徒」都即刻精神晒，因為「神徒」絕對比佢辛苦，佢又點可以捱唔住，「能夠爭取近距離同你地互動、大合唱，係我由plan event day1時必定要做嘅事。」
教主如此用心對待「神徒」，不少Fans都留言加油，「你嘅前輩上司好了解你，當玩下出吓品牌其實都唔係你嘅性格，你都係嗰種一係唔做一做就努力做到極致嘅人。做藝人固然唔容易，但自己做老闆係更加多辛苦同難處，你要好好加油喔！」、「要同一時間兼顧咁多唔同範疇嘅工作，真係唔容易，但你每一方面都會用盡全力去完成，神徒們為你感到驕傲及自豪。」
《棱角The Points》編輯部
