張敬軒今年3月將首次喺英國開騷，而且登上倫敦殿堂級表演場地Royal Albert Hall。近年收以萬計香港人移民，今年首位香港歌手到英國開大型演唱會，當地即掀起一片搶飛熱潮。
張敬軒將於今年3月16及17日喺倫敦 Royal Albert Hall開兩場演唱會，演唱會門券1月18日公開發售，僅15分鐘即賣晒。網上見有黃牛票熱炒，價錢最貴的門券竟然炒到8千幾英鎊，約8萬港元。
買唔到飛嘅歌迷在網上留言要求加場，主辦單位之後宣佈加開3月18日一場。軒公（張敬軒匿稱）在佢嘅IG留言多謝本地及海外觀眾支持，並表示期待跟英國歌迷見面。
軒公舉行演唱會嘅地點Royal Albert Hall，1871年由維多利亞女王揭幕，原稱The Central Hall of Arts and Science，維多利亞女王為紀念已故王夫Prince Abert, 將佢改名為Royal Albert Hall，百多年來是英國倫敦藝術音樂表演殿堂，亦係倫敦著名地標。
多年前羅文、陳奕迅、容祖兒曾喺該處開演唱會，計埋軒公總共只有4位香港歌手踏上呢個舞台。
棱角編輯部
