日籍街頭藝人Mr. Wally周二（13日）在社交媒體發文，指自己在6月12日前往香港，入境時被人帶到間房內審問逾兩小時，通宵羈留後，被人境處以「以前曾經喺香港街頭演奏」為由，拒絕入境香港並強制送返日本。Mr. Wally認為政府視他為「民主運動分子」，相信以後亦無緣到訪香港，「香港係2020年後已經完全變樣，容不下一絲言論自由。」他在發文表示仍然會記掛著香港的人和事，「會一直愛大家」。
Mr. Wally認為，入境處拒絕他入境的原因非常不合理，甚至是「謊言」，「就算我同佢哋講我當時有Working Holiday嘅VISA都好，佢哋同我講，喺香港街頭演奏係犯法。」他又表示曾經向香港警察及香港入境處職員詢問，「喺香港busking有無問題？」、「喺香港busking有咩問題？」，他們回覆「Busking Ok」。
他指，在出發到香港前，已向一位日本記者朋友交代，一旦被入境處拘留，便讓對方報道事件。「昨晚喺機場內嘅羈留所過咗一晚，當時我嘅手機同行李都被鎖喺Locker內，無法取出。所以我一早準備好手機嘅訊息，喺離開入境處被帶到另一間房前向呢位朋友聯絡。」他明白香港的主流媒體未必能報道此事，「香港係2020年後已經完全變樣，容不下一絲言論自由。」
他認為他已無法再次到訪香港探望朋友或表演，但感謝香港人一直支持，「喺示威活動期間，我曾經受到好多香港人嘅幫助，所以我希望向香港人報恩」，最後又稱讚香港人勇敢，並打氣「民主活動所帶來嘅革命可能沒有成功，但大家嘅勇氣深深地刻在我嘅記憶同心內。」
棱角編輯部
