《棱角》見到讀者苦於思索，到底寫信予國會議員有用嗎？如何寫信才好？聯署信有用嗎？《棱角》找來博客、英國國會研究員 Westminster 小薯跟大家分析。記緊，在西敏制（Westminster System）下的國會 － 英國、加拿大、澳洲、紐西蘭 － 均有類近運作，各地讀者都可參考。
- 到底打爆英國國會議員信箱後，係邊個負責睇信呢？
由於議員每日收到的電郵數量過百，所以議員通常交予議助監察郵箱，再由議助匯報予議員分析，每日收到的電郵主題。
- 寫信畀議員有咩要留意？
議員之間有 Protocol ，只會接選區內的個案 Case，所以提醒大家，寫信記緊要列明全名、地址、postcode。
- 點樣寫 email 畀MP？
簡單介紹自己處境，強調自己是該區選民，直接提出你的訴求，有簡單理據就可以。電郵長短不會影響施壓效果，因為都由議助回覆，而不幸地，議助不會因為為封電郵內容而更加著緊。
- 經常有指話 MP 覆罐頭文，點解會咁？
如上講過，議員每日就類近議題收過百封電郵，所以都會有既定 template ，再由議助針對來函去修改部分字眼。
所以如果有一人一信 campaign，而你亦大致支持個 campaign text 內容，請你照發送 template 就可以啦！施壓效果一樣會達到。
- 到底MP 見到信會有咩效用？幾百個人集體出信，是否比一個人出為好？
會。彰顯到民意的方法都是好事。雖然議員不會細讀內容，但議助會跟議員解釋，選民關心甚麼議題。如果有數以十計，以至百計的 email 關心一個議題，就可以達到施壓的效果。
關於作者：作者現職英國國會研究員，文章內容不代表所屬機構立場。
