2019年短暫回港最令我深刻嘅一次經歷，係有一次搭巴士唔記得帶耳機，我照舊坐咗喺上層窗邊位睇風景，巴士開到咁上下，後面個阿叔開始好隨心地哼起歌。熟悉嘅旋律雖然無詞，但我已經喺腦入面同佢和唱緊。
／黎明來到 要光復 這香港
同行兒女 為正義 時代革命
祈求 民主與自由 萬世都不朽
我願榮光歸香港／
當時營救理大失敗已經幾日，仲有好多手足喺校園入面被困，聽到嗰刻我喊咗出嚟。一首歌對每個人的意義都不同，唱的當刻想表達的情緒都會隨住環境同個人經歷而有所改變，可能係憤慨、悲傷、光榮、驕傲，或者感動。
用一首歌將呢個城市入面的靈魂都串起來，是願榮光對我的價值。往往是音樂的力量，令我睇到群體togetherness嘅展現。不論貧富貴賤，音樂都可以被consume、被傳譯出千百種意義。
今日法庭向願榮光頒禁令，但撐到咁耐，已經好叻。
有啲歌，就算以後未必會有機會聽，它都會一直喺我哋身體入面存活。同某啲口號、語言、記憶一樣。阿叔哼願榮光 casual 到好似哼緊紅日咁，嗰一刻我就知道香港民族嘅種子已經喺佢身上發緊芽。
呢刻只係想講，多謝音樂。
–
Context: Today, Hong Kong court approved government’s bid to ban protesters’ anthem “Glory to Hong Kong.” The song is still available on streaming platforms outside of Hong Kong.
