初選大搜捕四年了，昨晚一直訓唔著，諗住你哋，諗住好多封信仲未回，擔心你哋會以為我唔記得咗，擔心入面會好凍。到終於訓着，又夢見自己喺香港，提心吊膽地驚住會被人認出，隨之迎來被拘捕。
因為工作原由，這幾個星期不斷回看你哋嘅背景同過去，可能因為咁先每晚心掛。雖然折磨，但當初開始呢個project，都係用來去保持同你哋嘅連繫，同埋記住過去曾經璀璨嘅公民社會。
惦記著你們，也想為你們記載你們曾經為此地付出的種種。因為你說過，入面的人最怕被出面的人忘記。
今日呢邊大風雪，終於有得踩雪。雖然一直忙住趕工，最後我都係逼咗自己出去行咗個圈。一時興起又去咗買個雪糕糯米磁，仲要懶有feel咁特意喺飄雪下食。食食下腦裡響起達明一派的「今天應該很高興」，原來每次歡樂同享受都好希望可以與你哋分享。
大冷天，希望你哋喺入面夠暖。
「只要願幻想彼此，仍在面前。」
