上星期出席咗另外一個HR forum，當中係提到有關企業而家需要去面對嘅其中一個Hot topic：psychosocial strategy（企業社會心理學），指個人的心理、情感如何因社會狀況受影響從而影響工作效率。這是一個廣泛的概念，涵蓋了人類生活的各個方面，包括個人成長、幸福感、生活滿意度、自尊、自己在社會的功能和生活目標感等等。
首先我哋需要了解咩嘢叫做社會心理問題，這可以包括家庭問題、抑鬱、焦慮、藥物濫用、性虐待和暴力。咁又關人事咩事呢？政府為咗企業員工能夠免受心理社會健康和安全問題，從而影響勞動力，要求企業需要採取預防性方法，這可能包括工作轉型或地點轉換，又或者暫時休假、在家工作等策略，呢啲都間接增加咗人事部於人力資源分配同埋策略上嘅工作量，加重人事部嘅負擔。
另外呢個都係涉及企業公民（corporate citizenship），簡單嚟講即係話企業係有責任去履行員工能夠喺工作嘅時間免受剛才唔同事情嘅影響甚至傷害，必要時提供適當嘅支援及輔導等等。呢個可以包括喺公司文化嘅整合、有關上述事情嘅培訓、甚至於有不幸事件發生時所作出嘅即時應變。
另外積極promote正向心理學、多參與社會發展活動等等，都係企業psychosocial strategy嘅其中一啲建議，好多時候其實當佢轉化為一啲實際嘅事情就係一啲難聽啲講句蛇齋餅糭，得閒食吓飯，搞吓唔同嘅Event等等，令到僱員除咗工作之外，仲有另外一啲可以舒緩到佢哋無論係工作或者家庭壓力嘅活動，從而達致work life balance。
總之而家做老細呢就一啲都唔容易，尤其是面對而家呢個社會經濟壓力又或者唔同嘅風險等等，你要做到員工開開心心上班去，快快樂樂回家去一啲都唔容易。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
