幾廿年前嚟澳洲嘅時候其實好多人打份工儲一陣錢就已經可以買樓結婚生仔，分分鐘仲可以有多間投資物業添。今時今日就梗係冇呢支歌仔唱啦，隨著越來越多人因財務困境而尋求額外工作，根據求職網站Indeed最新嘅調查顯示，澳洲各地的雇主預計節日期間求職活動將會增加。
調查發現，喺受訪人數中，57% 的工作年齡澳洲人已經或正在考慮在節日期間承擔額外的工作而最多人揀嘅係以下嘅類別：客戶服務 (44%)、零售 (34%)、酒店和活動 (33%)、外送服務 (30%)。
有93%想要從事額外工作的人認為生活成本危機是主要原因。研究發現，澳洲人平均每週希望賺取$439元的額外收入，用以彌補日常開支（63%）、饋送禮物 (49%)、購買慶祝活動的食物/飲料（43%）等。另外，80%的澳洲人表示他們計劃在假期期間削減支出，75%的人表示他們今年的財務壓力比往年更大。
網站嘅數據顯示，2024年嘅季節性空缺比起過去三年都要高，好多公司尤其是零售同埋餐飲，到現在都仍然積極咁樣去招聘用易準備嚟緊今年聖誕季節所需嘅人手安排，另外一啲工作例如係倉庫又或者快遞，亦都招聘大量嘅臨時工，包括亞馬遜澳洲和澳洲郵政，應付大量增加嘅郵件同包裹派送。
因此，對於那些希望從現在到明年初賺取額外收入的人來說，Indeed 上招募資訊的增加是一個好消息，同時，呢類季節性工作很快就會被填滿，因此任何考慮臨時職位的人都應該儘早搵工，更新自己簡歷。
今次文章另外附帶咗兩個Indeed所提供嘅圖表，我哋睇到今年10月喺求職網站聘請季節性臨時工嘅廣告數目，由2023年佔整體招聘廣告嘅3%升至今年佔整體招聘廣告嘅4%，升幅高達30% ；而上網去尋找季節性臨時工嘅人數， 10月嘅數據係佔整體嘅2%左右，比起2023年嘅1.5%，亦都係有25%嘅增長。
我哋可以預期，除非通脹受控，樓價穩定，而唔係繼續攀升，否則澳洲人一個人打兩份工嘅情況只會越發普遍。
作者：Sydney HR 的日與夜
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
