備受爭議的「世界警察與消防運動會」落幕，近300名港警陸續返港，但不代表港人抗爭完結。加拿大緬省（Manitoba）城市溫尼伯（Winnipeg）港人組織指，「香港黑警喺加拿大秘密搜證，影我哋手足嘅大頭，日後會唔會秋後算帳？會唔會用喺海外影到拍到嘅片作為呈堂證供，加拿大政府點樣保護流亡香港手足嘅安全？」另外，「溫哥華手足」連續兩日發起一人一信街站，收集到逾200封信，已寄出以質詢各區國會議員，「希望透過佢哋嘅力量向政府施壓，並希望實質改變加拿大嘅對華立場」。
溫尼伯港人組織「Winnipeg Hong Kong Concern」，總結在當地約10天的追擊港警行動，認為已揭破港警維穩謊言，「今次世界警察消防運動會，係班死黑警第一次自2019年後大規模出訪活動，黑警喺過去4年入邊活喺自己世界，以為自己唔單止喺香港好受歡迎，就算出到去國外都係，包括中國同胞在內嘅人受歡迎……事實係，唔單止香港人對佢哋嗤之以鼻，就連講普通話嘅大陸同胞，講英文嘅加拿大本地人，就連世界各地唔同嘅執法同消防團隊，都睇唔慣呢班毆打、強暴、謀殺示威者嘅殺人兇手」。
除了追擊港警，「Winnipeg Hong Kong Concern」認為更重要是，要求加拿大政府清楚表達其對華立場，「究竟加拿大政府喺對抗中國滲透裏面，加拿大政府嘅立場同方針。喺今次300黑警事件當中，大家見到加拿大如同一個無掩雞籠，違反人權法嘅黑警部隊竟然可以自由出入加拿大……作為西方自由民主世界一員，加拿大究竟係企喺自由世界一方，定係親共親習近平一方……要加拿大明確佢哋嘅對華立場」。
此外還有港警疑似在加拿大境內秘密搜證的問題，「影我哋手足大頭，日後會唔會秋後算帳？會唔會用喺海外影到拍到嘅片作為呈堂證供，加拿大政府點樣保護流亡香港手足安全？全部都係我哋想知、需要知同埋需要加拿大政府回答嘅問題」。「Winnipeg Hong Kong Concern」強調追擊行動未完，「我哋繼續懇請各位加拿大手足幫手寫信去質詢各地嘅MP（國會議員），希望透過佢哋嘅力量向政府施壓，並希望實質改變加拿大對華立場」。
另外，「溫哥華手足」在剛過去周末亦連續兩天，舉行一人一信「反對香港警察參與海外世界活動」街站，「呼籲大家寫信畀國會議員，希望佢哋關注香港黑警受邀請參與Winnipeg世界運動會、對IRCC批准佢哋嘅簽證強烈反感！」
溫哥華手足表示，兩天活動收到逾200封信，「尋日已經寄出！希望大家都可繼續send email/寄信畀MP！促使IRCC正視問題及回應，你嘅支持好重要！大家一齊對加拿大政府表達香港人嘅關注同不滿！」並強調任何來自獨權暴政的警察，都不應該獲邀參與世界性活動。
新聞來源：棱角編輯部
