繼去年9月紅館開騷後，周國賢3月27-28日於英國倫敦及曼城舉行首個海外演唱會，「好多香港朋友四散，睇唔到紅館嗰場，你哋嚟唔到，就等我嚟搵你哋！我相信唔係我比力量你哋，而調返轉你哋比力量我繼續唱歌。」
周國賢是次英國之行亦為即將推出的「三部曲」拍攝MV，新歌與歌手傅珮嘉及填詞人黃偉文合作，探討情緒病。周國賢希望藉此勉勵香港人正視自己的情緒、接受自己的不完美：「無論你身在何方都可以『尋根』，所謂嘅『根』係你要搵返內在嘅自己、肯定自己。」
首歌海外演出 望四散港人賜力量
等足18年，周國賢去年9月完成人生首個紅館演唱會，主題為「The End」，相隔半年再於英國舉行「The Jouney Begins」演唱會，寓意完結一段旅程，重新展開新一頁。這一趟新旅程是周國賢首次在海外演唱，他坦言既興奮又期待：「好似返咗去新人年代，覺得好新鮮，但又有啲驚，喺外國地方唱自己嘅歌，感覺好似發夢咁。」
周國賢表示，上次紅館演出自己很刻意地想做一件「完美的事」，但今次想由心出發，歌單以開心為主，他賣關子指會有一些紅館場無唱過的歌。他亦希望今次演唱會可與入場觀眾有更多互動，「好多香港朋友四散，睇唔到紅館嗰場，你哋嚟唔到，就等我嚟搵你哋！我相信唔係我比力量你哋，而調返轉你哋比力量我繼續唱歌。」
「肯定自己、搵到內在幸福感 邊度都係屋企」
「當一個新移民 切斷上半生 找一個新祖國繼續做人 / 回望每一組歸家腳印 沒想到 護照要蓋滿新的印」（周國賢《今生不回家》）彷彿是移民港人的寫照，離開自己的家「連根拔起」。
1997年移民潮，13歲的周國賢亦跟隨父母到紐西蘭生活，「當時非常唔習慣，好掛住香港，去到嗰邊都同返華人玩，搞到英文冇進步。不過近年移民潮同嗰時好唔同，嗰時知道大家都會回流，但今次感覺好唔同。」
一家可謂是「聯合國」的周國賢憶起一家人去旅行時，他本人持紐西蘭護照、母親持新加坡護照、父親持BNO、前妻持南韓護照。圍繞「何處是根」這個問題，周國賢自小便感困惑，「我細個就成日問媽咪點解去旅行要用護照，佢話你大個就明，其實我大個都唔明，大家都係住喺地球，點解要劃分界線、國籍，過咗果條線就（攻）打你？」
「如果早幾年你問我『屋企』係咩，我覺得『屋企』係一家人齊齊整整，無論邊到都係屋企。但我最近發現，所謂嘅『根』其實喺自己到，係自己要錫自己，只要搵到內在幸福感，肯定自己嘅『根』，咁邊度都係屋企，不過我仲學習緊。」
新歌探討精神病 自身經歷勉勵港人「接受自己不完美」
周國賢正在學習的，還包括與情緒共存。周國賢2013年遠走加拿大，事業經歷兩年空白期，「我嗰時有情緒困擾，知道誠實對待自己嘅情緒好重要，我每朝定個時間俾自己喊，發現喊到，喊完個人仲精神咗，就發現眼淚係排毒、係好需要。」
「還記得有多久未好好哭過嗎？」—周國賢的《Children Song》正是他當年療傷時創作。事隔十年，周國賢與歌手傅珮嘉及填詞人黃偉文合作，將推出「三部曲」探討情緒病，希望用自身經歷勉勵港人「接受自己的不完美」，「呢兩年香港發生好多事，好似塊鏡咁，『唔正常』嘅人先係正常。好多人唔係好識發洩，特別疫情過後，大家裝作無事，希望大家想喊就喊，承認自己不完美、能力不足。我唔係叫大家唔好努力，而係要容許自己倒下，無人幫到你，只有你自己幫到自己。」
周國賢亦自嘲：「好多人批評我唱歌，我好中意寫歌，我承認我唱歌未必好完美，但每次表現我都會用心去唱。呢個世界唔會打爆機，日日都有問題發生，有喜怒衰樂，我用咗43年我先學識 Enjoy The Flaws, Dancing in The Rain。」
勿忘初心 未來一年發展重心在音樂
過去一年可謂周國賢的豐收年，有《身後身》、《創傷論》、《太平道》和《鬼怒川》四首派台歌，作曲作品有柳應廷的《坐看雲起時》。他亦參與舞台劇《第二時間》、《飯戲攻心》，客串電視劇《繩角》等，歌影視多棲發展。未來一年，周國賢表示想將重心放在音樂上，暫時不想再做舞台劇，「我覺得自己演技上仍有要學習嘅地方，希望下次做（舞台劇）係喺我演技強化咗嘅時候。」
夾Band出身的周國賢亦表示希望能完成與獨立樂隊Zarahn 的音樂計劃，又指如果今次英國演出成功，日後希望在他長大的紐西蘭、媽媽居住的新加坡、台灣等地辦巡回演唱會。
The Journey Begins • 2023周國賢演唱會英國站
2023年3月27日| 曼城 Manchester O2 Ritz
2023年3月29日 | 倫敦 London Shepherds Bush Empire
購票連結：https://www.ticketmaster.co.uk/endy-chow-london-29-03-2023/event/1F005E4EAC4131B3
