主頁 香港 楊明獄中度冬至聖誕元旦 藍...

楊明獄中度冬至聖誕元旦 藍絲分化「你撐警我警你」「撐警又屢犯法」

楊明入獄,有網民即時製作其「meme圖」。(網上圖片)

藝人楊明的不小心駕駛案,上訴被高等法院駁回,維持原判,周四(12月22日)被判需即時監禁18日,將在獄中度過冬至、聖誕及元旦等喜慶節日。楊明判囚消息一出,網上彌漫兩極情緒,有網民表示興奮「有請小鳳姐」,亦有人力撐「楊明乜都唔使講……你撐警察,我就撐你」。

法官陳仲衡裁決時指,被告的不小心駕駛罪證據鐵證如山,其反覆的認罪答辯,顯示悔意只是一般,不足以構成判處緩刑理由。法官又指,以被告的駕駛態度,如事發時曾與其他車輛發生碰撞,潛在後果可以極為嚴重,因此不能以沒造成其他傷亡作為輕判理由。法官續批評,楊明駕駛態度持續地差勁,必須判以具阻嚇性刑罰。

「楊明入獄」周四在社交平台可謂洗版,「公海」一如所料地充斥慶祝氛圍,惟以自稱愛國愛港、支持香港警察(即藍絲)為主要受眾的facebook群組「Save HK 救救香港 2.0」,言論原來也非一面倒。

藝人莊思明一直聲稱不會離棄男友楊明。(莊思明fb圖片)

有女性網民上載自己與楊明的合照,並發帖表示,「楊明乜都唔使講,支持你,撐你! 你撐警察,我就撐你! 我淨係記得上當年邊個夠吉士嘅藝人,行出嚟撐過警察嘅,我都支持! 而且仗義相助,愛國為市民基層出心出力抗疫嘅藝人唔多! 唔撐你我撐邊個 ?!」

此言論一出,即時有人附和,「飲酒好小事,下次唔好就得,我支持你」、「雖然佢醉駕唔啱,但我仍然撐佢,就係因為佢夠吉屎撐香港警察」、「佢有個咁好女朋友個人唔會衰得去邊,只係做事未成熟小朋友熱血過龍」、「楊明一向欣賞的藝人;是愛國愛港人士!今次因醉酒闖禍;受到教訓!經一事長一智!希望日後更加努力做好自己;加油加油!」

不過亦惹來大批相反意見,「屢次違法,冇悔意,把口話支持警察,但就唔同警察合作!請問各位木撑佢啲咩呢?」、「其實撐警同犯法係兩件事嚟,要分開講。我哋係藍人應該更加對呢啲事分得清楚。對事唔係對人……始終佢醉駕已唔止一次,而家其實證據都已經講明一切」、「不斷話撐警,但又不斷犯法,會唔會有啲精神分裂呢?」、「飲咗酒揸車就好大件事,而且佢一而再咁做,無吸取之前一次嘅教訓,兩次醉駕冇人受重傷已經係萬幸」、「如果你身邊人被醉駕撞傷,唔知你仲會唔會話係小事呢?」

更有人提出陰謀論,「佢係做錯,但醉駕又冇撞s(死)過人,咁都要坐真係少有,仲要唔畀上訴,擺明做佢。個官係邊個呢?」惟此番言論即時遭駁斥,「唔係第一次,其實佢都無悔意,判得少啦」、「咪就係囉!如果有悔意嘅…..都擺明衰咗仲上乜鬼嘢訴! 真係對佢堅失望囉….. 仲要搞到畀黃人大做文章!」、「第一審佢就應該認罪啦,早坐早重新做人,醉駕真係唔應該」。

41歲的楊明原名林明樂,前年8月在半山馬己仙峽道駕車撞壆,懷疑醉駕。他早前承認不小心駕駛及車窗玻璃透光度不足兩罪,判監18日、停牌2年、罰款2000元,並須自費接受駕駛改進課程。他認為刑罰過重,上訴至高等法院;惟法官指原審法官並無原則性犯錯或明顯判刑過重,裁定楊明上訴理據無一成立,維持原判。

新聞來源:綜合報道、「Save HK 救救香港 2.0」fb群組

有女性網民上載與楊明合照,發帖表示「你撐警察,我就撐你!」(fb圖片)
該女網民續稱「淨係記得上當年邊個夠吉士嘅藝人,行出嚟撐過警察嘅」。(fb圖片)