前支聯會及其前主席李卓人、前副主席何俊仁和鄒幸彤被控串謀煽動顛覆國家政權案周五（11日）判刑，案件被列作「情節嚴重」，3 名被告最終被判監 5 年 2 個月至 7 年 3 個月不等。鄒幸彤的母親劉華珍表示今次審訊令六四事件載入法庭史冊，勉勵鄒幸彤的支持者不論身處香港還是外地也要好好生活，「我知道大家仲喺度」。李卓人的妻子鄧燕娥稱對判刑感傷心，「我哋知道有數以百萬計嘅市民係曾經入過維園，就算無入過都係支持入面嘅燭光」，認為判刑如同「對好多人嘅刑罰」，亦使香港言論自由蕩然無存（clearly no），會提出上訴。
案件 3 名指定法官李運騰、陳仲衡和黎婉姬頒佈判詞，把本案列作「情節嚴重」即最低刑期為 5 年，3 名被告量刑起點同為 7 年半，認罪的何俊仁先獲 22 個月刑期扣減，相當於總刑期的 24%，何俊仁和李卓人因長期擔任公職，額外獲 3 個月刑期扣減，另因本案多次押後，3 名被告皆獲 3 個月刑期扣減。計算所有扣減後，何俊仁被判囚 5 年 2 個月、李卓人被判囚 7 年、鄒幸彤被判囚 7 年 3 個月。
｜被告具影響力成「情節嚴重」原因
法官在判詞同意辯方指本案不涉及暴力，涉案的「結束一黨專政」口號也沒有具體時間表或路線圖，惟基於案發時社會氣氛「動盪不安」，加上被告具動員力和影響力，於控罪涵蓋的 14 個月期間運用不同社交平台，向全港不同年齡層的人士從事涉案活動，被告亦在認為其主張有可能違反中國憲法和特區《基本法》下依然「一意孤行」，因此裁定案件「情節嚴重」，量刑下限為 5 年。
支聯會案控罪具串謀性質，判詞指 3 名被告在控罪期間屬支聯會常委及「主要行事者」，形容罪責「無分軒輊」，故量刑起點同為 7 年半。已解散的支聯會則被判罰款 150 萬元。鄒幸彤散庭時舉起雙手舉起三隻手指，手勢類似電影《饑餓遊戲》情節，隨即被懲教人員按下手臂，李卓人則劃十字聖號作祈禱狀。
｜鄧燕娥：我知李卓人心安理得
鄧燕娥散庭後於街頭一度哽咽，她接受現場記者訪問時坦言「有咩好講呢」，稱作為李卓人的妻子，「今日係好傷心嘅一日，佢已經由 2021 年 4 月 16 號開始坐監，而家仲要坐多 3 年，判呢 7 年實在太重」。鄧燕娥表示「我知李卓人係心安理得嘅」，並透露丈夫已作最壞打算，但仍然「不太好」（he is not okay）。
對於案情，鄧燕娥稱對判刑感無可奈何，形容屬「完全不公義」（totally unjust），對此「好嬲好傷心」及不能接受，又稱法官未有考慮李卓人的證詞，計劃就定罪和判刑上訴。她稱本案將令很多人感到震驚和憤怒，「就算佢哋 3 個無用到任何非法手段，但都有咁重嘅刑罰」，盼丈夫在獄中「撐住囉，撐到底」。
｜鄒母稱內疚屬「分化毒藥」：我知道大家仲喺度
劉華珍憶述鄒幸彤多年前已預言自己「終有一日我要喺上同佢哋好好辯一辯」，後來因為多宗案件，鄒幸彤被捕但向友人稱拒絕找律師代表，「因為阿彤要嘅唔係贏官司」，最後選擇自辯。
劉華珍透露其中一次探望鄒幸彤時，對方表示「好爽呀，我終於可以除低件大狀袍，痛痛快快咁代表自己講真話，原來係咁爽嘅」，劉華珍形容女兒「唔係一個稱職嘅大狀，佢只係一個出色嘅被告，行到今日、嚟到今日，佢做到佢多年嚟想做嘅嘢，我唔知應唔應該多謝嗰啲拉佢上被告欄嘅人，真係要多得佢哋，多得佢哋翻開六四嘅記憶，多謝佢哋幫手，係佢哋幫手將六四嘅真相、近呢幾年來香港發生嘅事，幫手寫入香港法庭嘅記錄之中」。
劉華珍感謝至今仍肯為無權無勢者打官司的法律界從業員、專家和學者，「感謝佢哋唔介意輸贏、唔計較金錢，伸張正義，仲好努力咁樣守住法律嘅底線」，亦答謝所有同行的人，「唔單止係留下來嘅人，仲有身處喺世界各地嘅朋友，我知道大家仲喺度嘅，感謝你哋逆風同行」。她表示公眾無需為裁決難過和灰心，「更加唔可以有任何嘅內疚，因為內疚係分化嘅毒藥，大家一定要好好生活」，最後展示自己身穿的 T 恤，以尾指作喻稱尾指翹起時看似「高高在上」，其實只因其他手指屈曲，但這姿勢違反自然，「唔捱得耐」。
｜支聯會案裁決
何俊仁（認罪）：囚5年2個月
預計出獄時間：2028年4月
李卓人（不認罪）：囚7年
預計出獄時間：2029年9月
鄒幸彤（不認罪）：囚7年3個月
預計出獄時間：2030年1月
支聯會（已解散）：罰款150萬元
棱角編輯部
