曾擔任《頭條新聞》及《瘋Show快活人》主持的曾志豪，前年突然被港台解僱。已與家人移民台灣的曾志豪，近日在Facebook宣布，將與台灣的中央廣播電臺（央廣）合作，主持新節目《歹勢打攪晒》。製作團隊包括兩名港台前導演，觀眾直言似台版《鏗鏘集》。
新節目將在下月3日上架、一連五集。曾志豪接受《娛壹》訪問時表示，節目是台灣、香港合體，節目名結合台語「歹勢」（音：Pi射，即唔好意思)，及廣東話「打攪哂」，希望能同時吸引台港觀眾。
台灣團隊負責攝影和音樂製作，香港團隊其中兩名港台前導演擔任幕後製作人，兩人都曾在90年代到00年代之間擔任《頭條新聞》編導：「佢哋最後奇蹟咁喺台灣重聚，好戲劇性。有份拍嘅導演，佢曾幫《鏗鏘集》拍故仔《一個都不能少》，講反修例後港人移台故仔，台灣人都好受落。」
曾志豪表示能重操故業做主持，與「舊港台人」合作十分開心，能帶出港台味道：「試片出街啲人都話似台灣版《鏗鏘集》，港味無得呃。我另一個開心係，可以證明畀人睇，其實香港係好多人才，但香港無辦法留住佢哋，原因大家明白。香港人去到四周，只要有機會，都可以再發光。呢個訊息好重要，好想同散居四海嘅香港人打打氣。」
《歹勢打攪晒》節目總預告：
資料來源：《娛壹》
