今年香港人隊再破上年紀錄，兩個項目勇獲A Major季軍，仲有得同其他強隊一齊爭DC Cup呀！
無諗過自己原來已經喺 DC 咁耐，都無諗過呢件事大家會一直堅持咁耐，由一開始組隊話想宣揚香港人社區同理念，到而家龍舟節已經成為咗呢個 community 一年一度嘅大事，每年都有好多香港人嚟支持我哋，睇我哋一齊攞獎，同我哋一齊慶祝。毎次划過大會同去頒獎台攞獎，都會聽到大會叫我哋 The Hongkongers，可以用呢個名同咁多香港人參賽，真係我好大嘅榮幸。
更估唔到嘅係，自己仲因為咁走咗去入 DC 嘅 club，持續保持訓練。
上星期係入隊後第三次訓練，第一次做佢哋嘅 stroker，竟然喺落船嘅時候聽到大家大讚，教練仲話我係天生嘅 stroker (ﾉ∀`*) 希望有一日可以去唔同地方比賽，對冧哂某大國嘅隊伍！
聽聞我係 club 中嘅瘦妹，今年要練大隻，下年再以香港人之名再戰！
