上星期我哋講話今個禮拜我哋會討論起碼兩件事嘅，包括係啲咩工作係開始進入夕陽，第二樣嘢就係新外來人士嘅競爭力。
先同大家去一齊睇一啲幾有趣嘅數字，就係有咩工作喺而家新嘅人工智能世代係有機會被取替甚至進入夕陽呢？下便10種職業，有啲係冇辦法可以被取替嘅，有啲呢其實比較相對嚟講容易被取替。首先第一樣嘢就係司機，點解呢？唔係話有智能駕駛嘅咩？現時嚟講智能駕駛仍然係未成熟嘅，點都要有個人企喺度望住，所以仲係安全，而一啲係需要人手做嘢例如護士或者係建築啦甚至係一啲護理嘅項目，呢基礎上人工智能都未能夠取替嘅。反而工程師、劃圖側嘅，甚至乎係市場策劃、人事、撰寫法律文件以致軟件工程等等，呢啲相對嚟講就會比較容易比人工智能取代，你會睇到都係一啲比較 Process Driven 同埋有一定 Protocol 嘅工作嚟。當然啦，人工智能都仍然未完全成熟，最快都需要五至十年，甚至更耐，先至能夠去取代上述嘅行業。
截至2024年5月，大概有2.3%嘅招聘位置係講到明你需要識得AI，暫時講緊嘅都係LLMs（large language models），例如ChatGPT等等，仍然未涉及到深層嘅AI使用，例如佢能夠自行開發軟件等等。
咁另外有啲咩群體喺公司招聘嘅時候我們會忽略該？其實有幾個嘅：首先就係一啲傷健群體啦，一般嚟講佢哋嘅失業率係比起健康正常嘅係高嘅。2018年嘅數據4.6%就係整體正常嘅失業率啦，10.3%就係傷健群體嘅失業率，而傷健群體可能係身體上有殘障，但係工作能力係屬於正常嘅群體，我於公司未能夠提供到有關嘅輔助文件或者工作環境令到佢哋唔能夠正常工作。另外一個當然啦就係年紀大嘅，只有大概25%嘅人事職員係願意招聘65或以上嘅人士，呢個2023年嘅數字，大概有一半呢係願意招聘50到64歲。實際上，我哋之前都有講過其實超過65歲嘅工作群體個數字係不斷增加㗎有2004年嘅1.7%已經攀升到現時嘅？5.2%升幅已經超過三倍。
另外一個就係新移民嘅群體，喺之前都仲大家分享，新移民群體係會成為衝擊澳洲職場嘅一個重要人才庫，嘅專業資格，雖然我未必認可，同時間佢哋真係擁有嗰個經驗同埋學歷。跟住2023年嘅統計，新移民群體嘅率係比起正常率係高1.5%，僱主其實係招聘嘅時候係可以考慮新移民嘅例如一啲喺辦公室裏便唔使點樣去對客或者需要本土經驗嘅白領工作，新移民除咗有機會個薪酬更加平之外，其他嘅表現好可能係冇乜分別。
最後就係職場女性比例仍然比男性低，而我哋知道背後亦都係隱藏着龐大嘅人才庫，因為好多女士可能係生育之後有一段時間留咗喺屋企湊仔，當佢哋嘅子女開始長大，女性或者會考慮重投職場，然而佢哋未必能夠做到full time，呢個就要公司願意配合啦，我哋睇到其實現時大概即係有22%嘅女性係屬於高層管理位置，喺呢度發展空間仍然係好大。
僱主又或者係搵工嘅你，睇到呢啲嘅數據，會對你哋喺求職方面有冇啲咩新嘅睇法呢？
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
