中共打擊廣東話呢件事唔單只喺亞洲社會發酵，就算國際媒體都有報道。兩個禮拜前ABC就有一篇報道，當中談及隨著中國方言的衰落，澳洲為一些瀕危語言提供了一個安全的避風港。
報道指出，數字（廣東話使用者）減少也反映在中國境外，例如新加坡，在2010年至2020年期間，國內講廣東話的人減少了38%。長遠來說，廣東話的使用人數將會不斷下降，有機會衰落至最後消失，這是因為中國大陸統一語言，決意將所有方言取替，以達致終極操控。取消電台、電視台以方言廣播，在學校強迫使用普通話等等，正正係要新一代摒棄自己嘅方言，到最後慢慢消失。而旅居海外，亦會因為新一代減少使用方言而導致數字減少。
根據澳洲過去兩次人口普查，全國大約有30萬人說廣東話，是第五大使用最多的多元文化語言，所以正面一點看的話，澳洲可能是廣東話存留的其中一個關鍵。
學習語言從來都係由講同聽開始，好多嘅港人組織都會搞下一啲講故事小組，希望能夠讓到新一代傳承粵語，唔好將自己嘅母語忘記。好明白喺家中要求兒女只講廣東話係不太現實，都唯有盡力去做，有時候我都會教佢哋唔同廣東話嘅詞彙，多提醒同鼓勵佢哋用母語跟我們溝通。
我唔係語言專家，亦都唔係乜嘢學者，我只係知道如果我哋自己都唔好好去捍衛自己嘅母語，當有一日佢消失殆盡嘅時候，我們便需要承擔責任，也可以說是將自己語言殲滅的幫兇。
聽起來呢個指控好嚴重，卻是我真心的說話。所以喺呢個部落格，也曾經有人反映點解唔用白話，正係因為呢個（捍衛粵語）原因。
力量雖然微小 ，但如果都不去貢獻，我會對唔住自己。
關於作者：作者為一企業人事部職員，同時為合資格Life Coach，國際九型人格師、MBTI及DISC Advance持牌培訓師。最鍾意玩玩具同寫下嘢。現我城隕落，無比哀嘆，盼一盡綿力，將文化保存，以文會友，抒發一下。這篇文章，歡迎轉載。
