美國著名動畫《衰仔樂園》（South Park）向來以搞笑抵死聞名，唔理乜嘢名人，一樣攞來寸爆。今次最新被佢哋4個衰仔玩嘅名人，就輪到脫離英國王室落戶美國嘅哈里王子和梅根這對夫婦。
喺《衰仔樂園》26季最新一集，名為「全球隱私巡迴」（The Worldwide Privacy Tour），一對名為Prince and Princess of Canada去到邊都舉住個「I want our privacy」嘅牌，兩公婆嘅造型似足哈里同梅根。佢哋坐私人飛機要拎住個牌，上電視節目又係拎住個牌，自己住間大屋亦張燈結綵，掛晒Banner話「我要私隱」。最好笑係裹面個王子都出咗本書叫《Waaagh》（War戰爭俗稱）擺明影射哈里本回憶錄《Spare》。
其中兩個衰仔主角粉腸同茂利對呢對夫婦嘅行徑睇唔過眼，「我哋一點都唔在乎呢對蠢蛋王子夫婦」、「好頂佢哋唔順，兩個成日都出現」，真係完全冇面畀。這段動畫出街之後，吸引不少外媒報導，亦引起網民熱議，嘲笑呢對皇室夫婦經常大聲疾呼要保護私隱，但就拍紀錄片、寫書嚟販賣私隱賺錢。
新聞來源：South Park、Skynews
